A Gedicht hoid/75
s'Weda - de Hitz.......
- hochgeladen von franz döller
De letztn poar Tog worn schau gscheit hoaß, des wor fost nimma schei -
is ma im Urlaub am Meer, kau ma jo weinigstns öwei ins Wossa gei,
obs wos min Klimawaundl z'toan hod, i dadad schau song jo -
vü wiad owa de Offnhitz a taung und san driwa gaunz froh,
guad is nua das si ned Jeda des Weda so mocha kau wiaras gern häd -
wei des warad a Chaos und wirkli a gaunz schei bled,
es is owa a wuascht, wei jamman, des doa ma jo oilli gaunz gern mocha -
obwoi, ba dera extrema Hitz is aon oft wirkli nimma zan locha,
ma muaß hoid ba jedn Weda vasuacha des Besti z'draus mocha -
und wauns a poar Tog z'hoaß is, faungst meistns eh boid au zan krocha,
ned zvü beweng ba dera Hitz und vü tringa is gaunz wichti a -
in Schodn haun, a Biachl lesn, des is jo a gor ned so schwa,
außadeim gibts ba uns a a poar scheini Platzl wo ma bodn hifoahrn kau -
do haut ma si af de Liege, hupft ins koidi Wossa, des hüft daun schau,
und s'koidi Weda und da nächsti Winta kimmt - oh Graus -
do wiad daun wieda graunzt - a so a Sauködn - des hoit jo Koana aus!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.