G'schneibt hat's.........
G'schneibt håt's
So a Schnee deckt viel zua.
In Nåchbarn sei frisch gmahter Råsn is weiß.
Mei ungmahte Wiesn is gråd a so weiß -
und des Unkraut zwischn de Bluman
So a Schnee deckt viel zua.
Die Schlåglöcher, Schwelln auf da Stråßn san weg.
Die Autos fåhrn trotzdem jetzt långsåm, voll Ruah -
und kans rast mitn Siebzger in d' Kurvn.
So a Schnee deckt viel zua.
Åm Nußbam im Nåchbarn sein Gårtn liegt Schnee.
Die Föhrn und die Fichtn san gråd a so weiß -
Daß d' Bam ålle krånk san, siegst nimmer.
So a Schnee deckt viel zua.
Beim Schneeschaufeln geht gråd da Nåchbar vorbei.
I grüaß eam recht freundlich, er dånkt mar ah glei -
wånn sei Wågn auf mein Parkplatz steht, kunnt i n derwürgn!
So a Schnee deckt viel zua.
San mir net ah månchmål so wia da Schnee?
So unschuldig, sauber, frischgwåschn und schön?
So scheinheilig, fålsch und verlogn?
So a Schnee deckt viel zua.
Franz Fuchs
Du möchtest selbst beitragen?
Melde dich jetzt kostenlos an, um selbst mit eigenen Inhalten beizutragen.
6 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.