Mundartpoesie
Mundartgedicht aus der Region: Der Steinursch in Steinakirchen
Mundartgedicht von Gottfried Preuler aus Randegg
Der Steinursch in Steinakirchen
Durt bein Großnurschstoabaun,
do kau ma si oan Trog auschaun,
dea vamutlich gschoffn wurd
zur Zeit va Jesu Christ Geburt.
Nurschn san Bestottungssteine,
nur haums do ned nur Leichn eine
er diente a no audren Zweckn
vielleicht sogoar ois a Taufbeckn.
Ma hod jo domois seinazeit,
wia's christlich wuarn san d'Leit,
a Kirchn baut an diesem Ort,
genau do, wo da Nursch liegt dort.
D'Tirkn haum's daun niedabrennt,
wäu de haum koa Rücksicht kennt.
Hiatz raunkn si seit jenen Tagn
um den Nursch so maunche Sagn.
De Bauan soin den Nursch amoi,
aussizaht haum bis in Ybbstoi,
an Tog drauf, ma glaub es kaum,
waor a zruck, gaunz wundasaum.
Mundartgedicht aus der Region
von Gottfried Preuler
Weitere Mundartgedichte gibt's in unserem Online-Channel.
6 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.