Frieda Maaß

Himmlschlüssl zårt und geal, hårt erwårtet meinar Seal, tuascht ins jå da Frühling bringa, Sunnaschei und Voglsinga. Warum låscht dei Köpfli hånga, nåch wem tuascht eppa blånga, då taumlats ocha geal und no zårtar, vom Himml dr earscht Zitronafåltar. (c) Frieda Maaß

Lacka voll Åperwåsser, gfriara zua no jedi Nåcht, Buaba hupfa drauf, probiera, låcha laut wenns kråcht. Wiå an schmiariga Wurm so drecki, kruicht d'Stråß durchs Tål, d' Wiesa sei brau und flecki, Åbfåll leit umma überåll. Am Moargats, o Wundar, heart mas pfeifa und piepsa, d'Vögl sei då und muntar, tia si auf da Bäim stibitza. Regnats amol und ma so, übar dia Bichl åchi schaut, a bißli an griana Schimmar, si båld amol fircha traut. Tiats leichtar nema, båld kånn ma wiedar hoffa, silbarni...

Muatter, Muattar, si sei wieder dunta am Båch aufm gleicha Plåtz si håba sauber bunta umma Håls an weißa Låtz. Taucha, denk dr, iatz im Februar ins eiskålt Wåsser untar! Lari Fedara grau wia d’Star schittla si frisch und muntar. Båld weara si mit hellem Gschra, danånder nocha fliega, untar dr Bruga hintarma Sta måcha si z’Nescht, tuat mi nit triaga. (c) Frieda Maaß aus Strengen

Oft stea i am Båch und denk drüber nåch wia decht‘s Leba so gschwind gråd wia‘s Wåsser verrinnt. Im Långats fröits mi, i låch wenn er muntar wiard dr Båch båld reißt er ålls mit, der Gsőll in dr Jugad ischt jedar an Rebell. Im Summer schteat ma in der beschta Kråft ou dr Båch iatz jeds Hindernis schåfft mågs Unglück geba, Muara sogår glei ischas überwunda, ålls rinnt wieder klår. Im Herbscht schwimmt außi mitm Loub ålls Unguats dahin „Gottlob“ ma kånn si auf Bessars bsinna låt Soarg und Müah...

An klina Vogl singt so schia i will g’schwind gi losna gia, ear singt so hell und so laut, mi wundarts, daß er si so traut. S’weard wohl dar Långats sei, drum singt der Vogl so wundarfei. Åll Wintersnoat håt iatz a End und ållas sich zum Guata wendt. (c) Frieda Maaß aus Strengen

Glugg, glugg überåll d’Wassarla rinna aufma Båum an Vogl an klina probiart, ob er’s Liadli no kånn, denn båld fångt dr Långats ån. Nebm Schnea a bissli Gria då tuat schua a Bliamli stia sehnt si nåch dar Sunna hålt z‘Nåcht ischas no söviel kålt. Schau, s’Katzli fångt si ån putza tuat jeds Sunnascheili nutza eppas gspürts, waß nit wårum s‘kuglat voar Fröid umadum. Granti sei nu no d’Leit dia mana, es ischt no weit bis endli amol dar Långats kimmt drweil blåst er schua, dr wårm Wind. (c) Frieda...