März im Stånzertål
- März im Stånzertål
- hochgeladen von Franz Maaß
Lacka voll Åperwåsser,
gfriara zua no jedi Nåcht,
Buaba hupfa drauf, probiera,
låcha laut wenns kråcht.
Wiå an schmiariga Wurm so drecki,
kruicht d'Stråß durchs Tål,
d' Wiesa sei brau und flecki,
Åbfåll leit umma überåll.
Am Moargats, o Wundar,
heart mas pfeifa und piepsa,
d'Vögl sei då und muntar,
tia si auf da Bäim stibitza.
Regnats amol und ma so,
übar dia Bichl åchi schaut,
a bißli an griana Schimmar,
si båld amol fircha traut.
Tiats leichtar nema,
båld kånn ma wiedar hoffa,
silbarni Pålmkatzla kema,
o schua außa gschloffa,
Kråtzat a bißli uma,
untar da Stauda im Gårta,
Krokus tias numma,
går a so lång drwårta.
(c) Frieda Maaß aus Strengen
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.