Friaha håt´s an Ståmmtisch geb´n, a jeder håt sein Plåtz g´håbt, wia im Leb´n. Ålle wås då g´huckt san, håb´n si´ verstånd´n, und genau de Ståmmtisch kemman åbhånd´n! Heutzutågs, ban Wirtshausgeh´n, woll´n de mehran nur mehr steh´n!? Es gibt nämli´ immer mehr Leut´ die ån da Schånk verbringan d´Wirtshauszeit! Da Erste lest a Zeitung in åller Ruah, da Zweite red´t, und koana hört zua, da Dritte sauft, weg´n seiner Frau, neb´n eahm då steht oane, wia a Pfau! Da Vierte isst an Leberkas, da Fünfte...