Leserbrief-Gedicht zum Wolf in Bad Großpertholz von Helga Bauer aus Bad Großpertholz
- Was der Wolf zur ganzen Aufregung um ihn sagt, brachte Helga Bauer zu Papier.
- Foto: Dick
- hochgeladen von Eva Jungmann
„ Leserbrief vom Wolf “
Griaß Euch Gott, da Wolf bin i!
Um mi herrscht grad a Hysterie.
Da steht de ganze Gegend Kopf,
weils gsehn wo habm mein grauen Schopf.
Wegn der Einreise hab i koan gfragt,
i renn hin, wo mi mei Instinkt hintragt.
In da Gegend um Stadlberg hab i nix gfundn,
drum renn i zum Dorf nu weiter druntn.
De Gegnd um Karlstift is schen,
da trau i mi ah über d´Wiesn gehn.
Da hör i mi a bisserl um,
im Schnee liegn und rastn, is ah net dumm.
Do dann hat mi da Forstmoasta gstört,
fotografiert hat er mi, hat ma dann ghört.
Gschwind hab i mi vom Acker gmacht,
weil ma da Magn scho sauber kracht.
A paar Kilometer weiter liegt was in der Luft,
a ganz a guater, anziehender Duft.
Da stengan Damhirsch auf da Wiesn hintn,
den Weg zu de muaß i schnell findtn.
Untern Zaun findt i a Loch,
a weng weiter ausgrabm muaß i es noch.
Dann bin i drin und des is gwiß,
das s´Buffet für mi eröffnet is!!
Sicher hab i renna miassn dann,
aber oan vo de Hirsch kann i do an.
Da hab i ma den Bauch vollgschlagn,
sovü Fressn wird’s net glei wieder tragn.
Drum richt i ma an Vorrat her,
fall voller Jagdlust über de nächstn drei nu her.
Gspeist hab i als wia a Graf,
jetzt versteck i mi, i brauch mein Schlaf.
Do mitn Vorrat wars dann nix mehr,
sovü Leut und Wirbl, da trau i mi nimmer her.
De Aufregung um mi wird ma jetzt z´vü,
drum schleich i mi wieder weita ganz stü´.
Helga Bauer, Bad Großpertholz via E-mail
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.