08.05.2016, 14:32 Uhr

BROT

A Brot därf ma nia wegschmeissn,
hot insa Muatta oiwei gsogg,
sie hot woi oft no zruckdenkt
an de Zeitn voia Not.

Nochn Kriag, wo’s nit vü gebn hot,
woar ois noch Koartn rationiert,
do hots müassn oft erfindarisch sein,
daß a jedes Kind oi Tog sott wird!

A heint leidn no gonz vü Menschn
unta a großn Hungasnot,
wia freiatn sie dia, wonns kriagatn
oanmoi am Tog a Stücke Brot!

Drum san ma froh und donkboar,
daß ins oinan so guat geht,
und dia scho z’vü homb, soin hoit toaen,
damits a bissl gerechta wird!

‘s war woi a großa Freve, daß ba ins
des Brot im Müll drin lond’t,
wo in an ondan Toae der Wöit
de Leit vü zwenk zan Essn homb!
2
Diesen Mitgliedern gefällt das:
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.