A Gedicht hoid/39
D' Briafmarkn aus Klopapier
Des Virus beschäftigt uns schau laung heirigs Joar -
es warad schau Zeit es tat si schleicha, wirkli woar,
in erschtn "Lockdaun" hauma hinta uns, des woar a schwari Zeit -
owa wauns so weida geht, daun is boid wieda so weit,
g'hamstat is woarn, des woar wirkli oft koa Schoas -
a gaunz a hoaßa Artikl woar des Heislpapier, sovü i woas,
de Post hod jetzt a guadi Idee ghobt, a Briafmarkn aus Klopapier -
de kau ma kafa und ois Elefauntnsaummla taugt des sogoar mir,
es is a Babyelefaunt drauf , a Tei van Erlös ghert via an guadn Zweck -
so teia is a ned, do gibt ma jo gern a bissl a Göd weg,
es gibt a begreinzti Stückzoi, oiso ogeih wiad des Klopapier ned -
und waun schau, daun is jetzt a schau z'spät,
da Babyelefaunt wiad uns nu leinga vafoing und des Virus a -
in Humor soi ma hoid ned valiern, owa des is oft gaunz schei schwa,
pass ma oilli a weingl auf, daun reinnt a boid wieda ois rund -
in diesem Sinne, hoits in Babyelefauntn-Obstaund und bleibts gsund!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.