A Gedicht hoid/32
IBIZA
- hochgeladen von franz döller
2019 is losgaunga, an Füm haums do aungebli af Ibiza gmocht -
a bsoffani Gschicht soi des gwesn sei und oilli haum driwa glocht,
da Ex-Vize und a aundara kaumischi Kerl woa do dabei -
do hots daun in de Medien gem a murds Gschrei,
sogoar da Kanzla woa daun gaunz fuchti und hot gsogt, gnua is gnua -
wei irgendwaun muaß daun a wieda sei a Rua,
gsoffa und kokst soins haum und sogoar Östarreich haums fost vakaft -
Gott sei daunk haums des owa daun ned wirkli gschafft,
de aundan Politika haum gsogt, des kaus owa jetzt ned wirkli gem -
und haum an Untasuchuntsauschuss gruafa ins Lem,
jetzt doans umanaund und an Haufa Leit doans befrong -
owa fost oilli haum kaumischaweis ned vü zan song,
koana woas wos, ois warads nie passiert, schuid san öwei de aundan daun -
irgendwos Gscheits aussakeima wiad ned, des glaub i kaum,
und wia wiads sei, wias hoid schau imma woar, des is fix -
untam Strich aussakeima wiad wia fost oiwei - ned vü oda NIX!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.