Die Sage vom Axamer Bock

Jetzt paßt fein auf, ihr lieben Leit.
I will enk iatz glei sog‘n
Wos sich vor gor nit langer Zeit
iIn Axams zuegetrog‘n.
Es ist dort zu derselben Zeit
Gar Schreckliches passiert.
Sie hob‘n dort, so geht die Mär
An Goasbock arretiert.

Es ist sonst ganz a netter Kerl
Er gfallt allen Leuten wohl
Aber von dem, wos kürzl er derstöllt
Is gonze Landl voll.
Den Melcher Franz khert der Bock
Der gor nia bleibt zu Haus
Den hellichten Werktog in aller Fruah
Geaht er in Hongart aus.

Heut ist er ihm schon wieder durch
In seinen schiansten Rock
Jetzt muass er ihn wieder such‘n giehn
Den tausensaggra Bock.
Schnell geht der Marsch heut Grinzens zua
Der Franzl dös nit woaß
Und krot beim Miterbichlwög
begegnet ihn die Goas.

Ho,Ho, mei liaber Alter
Wohin geaht ehit die Roaß?
I moan, du kunnst mi kenner
I bin die Grinziger Goaß.
Der Bock, der stellt sich tearisch
Und krazt sein dunklen Rock
Die Goas, die wird recht grantig
Und sagt zu ihrem Bock:

O du verflixter Kerl
Koa Antwort gibst du mir
Jetzt hun i giehn 15 Kitzlein ghabt
Und alle sein sie vo dir.
Drauf geahter zruck zum Widum hin
Gleich hat mans hearn tuschn
Jetzt hat dös verdammte Luaderviech
Drei tragige Loab derwuschen.

Dort hagn sie ihn glei verjagn
Und als an Dieb verschriern
Drum lafft er hin in Bierwirtshaus
Und ist dort hockn blieben.
Jetzt fangt der Bock zu saufen an
Er sauft, es ist a Graus
Und weil ers Bier glei fertig hot
Sauft er nou den Hansl aus.

Die Gäst, die sogn: mei lieber Wirt
Wir mögen heut nix mehr trinken
Der zottlte Herr, da hinterm Tisch
Der tuet ins viel zfest stinkn.
Und weil der Kerl nit zahlen will
Do kriagt der Wort an Zoarn
Er tappet auf dös Luaderviech
und ziacht ihn außi bei die Hoarn.

Jetzt geahts der Silbergassn zu
Er woaß, wos er verbrochn,
Und wia er zu der Kirchn kimmt
Da hot er öppis grochn.
Er besinnt sie nit long hin und her
Laft durch die Kirchentür
Der Meßmer, der das alls nit woaß
Schiebt glei den Riegl für.

Am anderen Tag in aller Früah
Ists Unglück nachher gschöchn
Dös war a Schröckn und a Graus
Wie mans noch nie hot gsöchn.
Der Meßmer kimmt im wackeren Schritt
Sperrt auf die Kirchentür
Da kimmt der leibhafte Luzifer
In Bockgestalt herfür.

Vom Lärm do kemmen Leut daher
Der Bock wird arretiert
Und weil der Kerl nix sogn will
Werd er in die Keuchn gführt.
Dort kriagt der Bock schnell Nudl
Und noch dazu a Heu
Denn die Leit wölln endlich wissen
Obs a Bock oder der Teifl sei.

Der Bock frißt schnell die Nudl
Und gleich darauf das Heu
Drum wissn die Leit heit no nit
Obs a Bock oder der Teifl sei.
Jetzt ratet alles hin und her
Was nun zu machen sei
Der Richter, der kimmt a daher
Und spricht den Goasbock frei

Drauf geht er er übers Halsl hin
In seinem schönsten Rock
Die Fulpmer habn ihn gleich erkennt:
DÖS IST DER AXAMER BOCK!