Poimkatzla
Gånz weiß schiamb se aussa dö Poimkatzla, nåch an lonkn Winta mit Schnea und Frost. Dö homb hoit a dicke Haut zan Schutz! Und schea send se, i muaß schoa sågn - gråd recht fia den Poimbuschn za Oastan. Wånn dö Buam und dö Diandla nåcha za da Kirchn ume geahnt, dö Bandla en Buschn so en Wind wirbend, nåcha is a gseg‘nte Zeit fia dö Leit, fia dö Viecha und a dö Erntn. Dös oane wås i fiarcht is hoit dös, dass nåcha ba dö spåtn Oastan koane weiße Poimkatzla mea gibt! ©Josef...
