Toschn naahn in Schrems im Woidviertl
- Probeledafleckaln mit verschiedene Garnfarbm zum Schaun, wölches ma letztendlich nehmen wüü...
- hochgeladen von Karin Polanz
So schaut des aus, wenn ma a Ledertoschn mit an dickn Leda naahn wüü. Ma braucht vüüü Kroft, noamoi so vüüü Geduld, Zeit und Freud daran, und dann wirds ah wos...
Und nebmbei san ah no a poar Klaanigkeitn entstandn wia a poar Schlüsslanhänger und a Handytascherl. Ois zsamm in anahoib Tog... Do kunnt ma süchtig werdn noch dem Material!
Soooo vüüüü davon gibts durt! Genauso wia freindliche liabe Leit, a schönes Klima, a guats Gschäft, wo ma Schuach, Toschn, Gwand, Deckn, usw. kaufm kann, ois zsamm regional und nachhaltig, wie's hoit so is im Woidviertl! Gwesn bin i bei die Waldviertler Werkstättn, do bietet die Firma GEA so verschiedene Kurse an in ihrer Akademie, de san olle zsamm interessant und immer guat besucht, werdn liebevoll betreut und ma fühlt si rundherum wohl durt. San sehr empfehlenswert!!!
Es anzig Schwierige woar heut es Haamfoahrn... Owa i hab des ah no packt! Die ganze Streckn auf ana Schneefoahrbahn woar echt a Challenge sogoar für mi!
Aktuelle Nachrichten aus Niederösterreich auf
20 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.