A Gedicht hoid/72
Da Kriag
Gaunz wuascht wos oda wer fia dein grauslichen Kriag da Auslösa wor -
s'obersti Gebot muaß öwei hoaßn - MAKE PEACE NOT WAR,
auzettln doan's öwei de gaunz om, de glaum de gaunzi Wöd muaß eana kern -
ausbodn messn's owa de Unschuidign, des is wirkli zan rean,
gaunzi Familien wean zastört und vü messn ihr Lem lossn a -
mitanaunda vanünfti redn, des foit hoid maunchi gaunz schei schwa,
owa Paunza bringan koan Friedn, na, nua vü Ölleind und Leid -
des warad jo wirkli ned notwendi, grod in da heitign Zeit,
gei duads öwei nua ums beschissani Göd und da Gier noch öwei mehr Mocht -
des is a Irrsinn und ma derf si ned wundan wauns daun amoi krocht,
es warad do eh fia oilli gnua do und Jeda kunnt haum a scheins Lem -
owa es messadn hoid vü ned nua neima sondan a a bissl wos gem,
a poar Wauhnsinnige san owa leida schwa kraunk und geistig vaoarmt -
des is zwor traurig, hoaßt owa ned, das mi si fia de daun daboarmt,
de wos an Kriag auzettln san a Menschen, owa ma derfs ni lossn keima so weit -
des san hoid daun oafoch Menschen - mit gaunz weing Menschlichkeit!!
2 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.