A Gedicht hoid/37
Da Präsident, d'Schwaumma und da Woid
- hochgeladen von franz döller
Üwas Schwaumma suacha hob i schau amoi a Gedichtl gmocht -
jetzt muaß ma owa schau aufpassn, dass in Woid ned krocht,
da Präsident va Amerika hod gsogt, ba uns explodiern de Bam -
der is a weingl a Gschichltdrucka und i glaub des kam,
i hobs nu ned dalebt und geh schau üwa 40 Joar in Woid -
mia soin a lem mittn unta des Bam, im Winta warad des owa vü z'koid,
owa gfährlich is jetzt schau, a Hoiz kau oan um d'Ohrwaschln fliang -
und de bösn Woif soi ma gscheida a ned zan seng kriang,
sunst is e ois ban Oidn, s'Schwaumma suacha is oafoch wundaschei -
stundenlaung und jedn Tog kunnt ma do in Woid aussi gei,
ma is in da Natur und ma siacht des oani oda aundari Viechal a -
z'laut derf ma hoid ned sei, des is owa goar ned so schwa,
af oilli Vieri muaß ma oft krein, owa des ghert hoid a dazua -
do hod ma daun owa a Freid, wau ma Schwaumma find gnua,
gaunz supa is a, wau ma direkt min Gsicht in a Spinnanetz einireinnt -
noch a poar moi Schwaumma suacha, is ma owa des a schau gweint!
Aktuelle Nachrichten aus Niederösterreich auf
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.