Mundartpoesie
Der Emilienhain in Gresten
- Der Emilienhain in der Marktgemeinde Gresten.
- Foto: Stefan Pruckner
- hochgeladen von Roland Mayr
Der Emilienhain in Gresten
In Grest'n im Emilienhain
do geht heit kam nu oana rein,
der Park der woar do friaras Zeit
sehr beliebt bei oille Leit.
G'mocht hot den da Josef Knorr
der do amoi da Schlossherr woar,
drei Töchta hot a ghobt der Maun,
de sand im Park gern gwesn daun.
Oane woit wos b'sundas haum
des woar d’Ludmilla mit’n Naum,
er hot a wengal nochgedocht
und ihr do a Kapö’n herg’mocht.
A kloane nur aus schlicht´n Hoiz
d'Ludmilla woar auf des so stoiz,
Ludmilus woar, ma woas es schon
vamutlich woi ihr Schutzpatron.
Zwoahundat Joahr is des jetzt her
drum woas des heit a kam nu wer,
wo der Park jetzt wirklich liegt
und dass es de Kapö’n nu gibt.
Mundartgedicht von unserem
Hauspoeten Gottfried Preuler
Alle weiteren Mundartgedichte
gibt's in unserem Channel.
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.