Leserbrief
Mei Kärnten is vüh mehr als nur "It´s my life"!
Gedanken zum neuen Slogan "It´s my life" der Standortmarke Kärnten.
Mei Hamat is einzigortig schen, so vühseitig und echt, so gewaltig und sonft zugleich. Von den Schneebergen und Nocken bis ins Unterlond, die vülen Seen – gediegen glegen, mit´n gloskloren Wossa drin. A Vühfolt von Pflonzen und Viechan, in schensta Natur. Anfoch zum Valiaben! Und die Leit, freindlich, ehrlich und kluag – ausdauernd, vülleicht a bisserl sturköpfig, ober des braucht ma a. Die Sänger, Berg- und Bauersleit und olle ondan a – olle holten zom und trogen ihren Stolz gemeinsom auße in die Welt. I selba mitten drin – anfoch gstrickt und red, wie ma da Schnobel gwochsen is. Tief vawurzelt, donkbor und stolz auf mei Lond. Mia gfollt da neie Slogan net! Und so sog i noch amol: Mei Kärnten is weit mehr als "It´s my life"!
Burgi Wurmitzer-Dullnig,
Meiselding
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.