Des is a Mittl... A wengal mehr Dienst , des Weda die letzten Tog net so schön.... Also hob i wieda a wengal des Strickzeug mehr in der Hand gehabt. Eh imma so zwischendurch. Entstanden is a Stola-schal-jacke. Aun den Grundriß siacht ma wia afoch ma des stricka kann. Des zusammen nähen mocht´s daun aus. Echt net Alltägliches... aber soooooo guat zum trong.
Zwa Tog oda gor vielleicht drei - rost i jetzt amol. Aber ganz untätig wor i do a net. Togdienst und Nochtdienst hob i zum absolvieren.... grins. Und die poor Stunden , san holt mit so einigen anderen Dingen zu belegen. Dankeschön Torten waren fällig und auch Geburtstags-geschenke. Was süßes und auch was Künstlerischen is da an den Bildern zu sehen. Mei Schwesta - die Hetschi - hot eben den Sessel von mir bekommen. Wia sogt ma so Schän....? RESTLVERWERTUNG
...könnt ma wieda mol schreim. Is eh net zum glaum, wenn man vorm Fernseher oda im Zug a wengal strickt. Wos do so weida geht. Imma wos worm zum drüba-ziang. Diesmal is a Haubal und a Schaltücherl worn. Do a poor Bilda.
Gut ausgeschlafen - und a wengal umadum werklt und koa Wanderung.... so wor der Erste Tog vom neuen Jahr. Aber dafür hob i Fäden vernäht - von ana Handarbeit die i vor a paar Tagen fertig gsrickt hob. Wieda a Trum mehr in meina Sammlung.
Jo genau... nix wors mit dem Wandern, obwohl des Wetta gor net amol so schlecht wor. Die Sonne is sogor rausgekommen. Und i ? Jo i wor den gaunzen Tog daham... Umadum - gwurschtl´t hob i. Bocha - a paar Torten zum Danke-sagen und die Handarbeit hot a net wort´n braucha. A paar Stückaln san wieda amol fertig wor´n... die vakaf i daun waun i auf da Halterhütt´n bin. An schönen Abend wünsch i nu.
Die poor Hauma ( Hauben ) san in den letzten paar Tagen entstanden. Net dast´s glaubt i kaun net aundas. Des is nähmlich so. ..... Waun i schon net wandere - sondern daham mei Zeit verbring - daun moch i imma a wengal wos. Beim Fernsehen oda bocka .... A paar Minuten gibts imma wo i die Nadeln zwischen meine Fingan schleif... deshalb entstehen dann imma kloane nützliche Sachen.
...des is schnö fertig gwesn... A paar Tag - und fertig wors. Eh guat so , weils jetzt kalt wird. Und zum Autofahren gerade des ideale zum Schulter worm-holten. Aber a zum spazieren gehen geht des Socha a... Wia ma des nennen kann? Puh... woas i momentan gor net.
Wor i doch mal echt zum Schlofa müde. Hoam-kumma vom Nochtdienst und glei niedaglegt. Nochdocht hob i schon ob i net aussi geh. Aber meine Hax haum gor net reagiert und a net mei Kopf. Also hob i glei noch Mittog ins bocha angefangen und a gleichzeitig umadum gstrickt und gnäht. A paar Bilder san deswegen entstanden.
Des anzige wos i bei dem Modell net hob - san die Rohteile. Weil so viele Sachen hob i angfangen gehabt und vagessn diese zu Fotografieren. Jetzt moch i olles da Reih noch - fertig. Diesmal is a Westn - mit an Tulpenmusta.
A paar Modelle hab i wieda gmacht. Eben so zwischendurch. Zwischen zwa Backbleche oda zwischen ana klan Wanderung und Einkauf... oda wenn die Woschmaschin läuft... A paar Minuten hot ma imma wieda wo man Nadel und Wolle zur Hand nehma kann. Und so entstehen a paar Geschenke oder eben auch zum Verkauf. Aber nur - wers mog.
Gor net vü Knäuel braucht man für des Kladl... weil so a Socknwolle rennt echt guat auf de Nodl´n. Nur a wengal Geduld braucht ma dazua. aber jetzt wo des Weda nimma so schön is und auch zu Hause die Gemütlichkeit einkehrt... Genau das richtige zum Handarbeiten.
Des Thermometa draußen zeigt schon niedrigere Grade an... die Heizung läuft a schon auf Niedrigtouren . Da nimmt man schon am Abend die Handarbeit zur Hand. Was daraus entsteht ? .... Nette Wärmehalter für den Kopf - die man auch leicht zu Geschenken machen kann.
...genau. Die hob i ma nun dazua gnäht. Zu der Kurzen - die im Sommer Recht is... und jetzt jo nimma so schön is - hob i ma doch glott a Hos´n mit laung Hax´n - a wenga umgearbeitet. Jetzt paßt a die zum Janka dazua.
...oda so ähnlich. Bei dem Weda - kaun ma net viel machen - als in da warmen Stub´n bleim und a wengal umadum-modeln. A Gwandl ausmustern des wos ma eigentlich eh schon weg geben mag....Und a paar Näh-utersilien hot jeder daham. Also rann an den Versuch - etwas Eigenes - Einzigartiges also ein Unikat zu nähen. Wenns nix wird - a wurscht , dann ab in den Sack.... hätt mas jo sowieso weg getan. Also hab i ma a eigene Tracht entworfen. Fazit: Man kann es tragen.
...sinnvoll nutzen. Fast schaut´s so aus... als ob wir sechs Monate Winter haben und sechs Monate koan Sommer. Heiß sollt der Sommer sein um Eis zu essen und um Baden zu geh´n. Aber was tut unsa Sommer? Der läßt einem - schön brav zu hause - bleiben. Also is der heurige Sommer a wengal anders zu nutzen. Ein Trachtengilet is entstanden... Nun kann der Herbst - einziehen , weil zum Anzieh´n is schon was da.
.... Die Woll gehört auch mal so richtig verarbeitet. Und bevor mans wegschmeißt oder die Mäus rannläßt - häckelt man doch was nettes daraus. Hüttenpatscherl´n für die eigenen Füß oder auch als kleine Mitbringseln. 12 Quadratl´n... braucht man dazu. Und wenn mans richtig zusammennäht... kann mans auch anziehn.
Heut waren meine Finger wieder dran mit dem Bewegen. Des rote Dingsbums vom letzten Mal hab i Fertig gemacht - habs heut braucht... war a wengal leischna.... grins. Aber zuvor is Backrohr noch in Arbeit gewesen... A paar Kekserl und a paar Nadelstiche.... und raus is gegangen... Mit´n Auto .....
Jo jo... Der Fasching hat heut begonnen. Selber hab i koan Korl owagriss`n... sondern mal an Rasttag gemacht. Relaxen - nennt man des. Könnt euch sicher erinnern - am 4.11. hab i da so ein Braunes Ding reingestellt. Und heute is fertig geworden. Einen Poncho... fürs Autofahren- net so stark und dick - aber die Schultern hälts warm. Doch a wengal was gemacht an diesem heutigen Tag.
Die Tage werden kürzer und auch kühler.... da wird die Gemütlichkeit zu hause immer wichtiger, und das ist dann die richtige Zeit um Creativ zu werden.... Deshalb hab ich heut mal etwas fertig gemacht das schon so lange darauf gewartet hat.
Keine Wanderung... nur a Regenerations-Tag. A wengal Erholung war heut angesagt... Aber der Tag war wieda gut ausgefüllt. Vormittags mei Schwesta troff`n... und danach a a wengal Ghandarbeit und Donauwellen gemacht. Und jetzt hob i net gwußt wos i zuerst probieren soll.