Fasching Wieda kimmb de narrisch Zeit, fi kloane und fi große Leit. Vakleidn tuat sich Oit und Jung, de Narrn kemman iaz in Schwung. Da Oane tonzt ois Harlekin, de Onda ois Zigeinarin, ois Clown und fesche Katzä mit flauschig feine Tatzä. Na is da des a narrischs Treibn, wea mecht do hintan Ofn bleibn? A „Ondra“ sei, des mechtn vü, und stürzn sich ins Faschingsspüh. Dem Oitog endlich iaz entkemma und sich a narrischs Gwandtl nemma. A Larvn trong a so vü Leit, und des net nur zur Faschingszeit....