Es wird scho glei dumpa, es wird scho glei Nacht ...
Es wird scho glei dumpa, es wird scho glei Nacht,
drum kimm i zu dir her, mein Heiland auf d Wacht.
Will singa a Liadl, dem Liebling, dem kloan;
du magst ja net schlaf, i hör di nur woan.
Hei - hei, hei - hei! Schlaf süaß, herzliabs Kind!
Vergiss jetzt, o Kinderl, dein Kummer, dei Load,
dass du da muasst leid'n im Stall auf da Hoad.
Es ziern ja die Engerl dei Liegestatt aus;
möcht schöner net sein drin an König sei Haus.
Hei - hei, hei - hei! Schlaf süaß, herzliabs Kind!
Ja Kindl, du bist halt im Kripperl so schön,
mi ziemt, i kann nimmer da weg von dir gehn.
I wünsch dir von Herzen, die süaßeste Ruah;
die Engerl vom Himmel, si decken di zu.
Hei - hei, hei - hei! Schlaf süaß, herzliabs Kind!
Schließ zua deine Äugerl in Ruh und in Fried
und gib ma zum Abschied dein Segn no grad mit.
Dann wird a mein Schlaferl so sorgenlos sein;
dann kann i mi ruhig aufs Niedalegn freun.
Hei - hei, hei - hei! Schlaf süaß, herzliabs Kind!
Christkindl - Wiegenlied aus Tirol -
veröffentlicht 1913 von Friedrich Kohl und Josef Reiter
5 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.