Üba 20KM fost 7 Stund und ka Bier.
So is ma heut ergangen. Noch Türnitz is gaunga und a gor net so kurze
Streck´n hob i ma vorgenommen. Von Türnitz Parkplatz bei der Rodelbahn
hob i des Auto abegstellt... und bin wieda Richtung Markt maschiert...
Vorbei an der Plöttigmühle und in die Weidenau reinmaschiert... Bei
dem Gelben wunderschönen Gehöft bin i vorbei und die Forststrasse zur
Kuchl-alm rauf... Is schon a Gewalt Hatscher. Des Weda hot aber genau
paßt. Wor gor net heiß. Echt ideal. Oben bei der Kuchlalm Halterhütte
hätt i mi schon a gfreit wenn i wos Noßes in den Schlund bekommen
hätt... Zb. a Bierli weil de Wasser im Rucksackl kenn i jo e. Nur hot
i a Pech ghobt, weil koana oben war. Also bin i weida - ins Sterngassl
owe und weida noch Österleinbrunn...
Wor gemütlich is imma bergab gegangen. Angekommen in Österleinbrunn
hob i doch von meinem Wossa trinken müßen... hots ma doch schon a
wengal die Maundln zaumzong.
Von dort bin i weida zum Eibel - wollt i zur Teichhüttn - BIER trinka.
Do geht ma aber a nu a ganz a schöns Zeitl do ume... A poor HM hot ma
a zu bewältigen.
Aber wunderschön is die Natur - dort.
Bei der Teichhütt´n angekommen - steht do glott... Montag Ruhetag.
Könnts euch eh schon denka... auf wos i vazicht´n hob müssen.
Also hot der Schnops herholten müssen. A Gipfelkreuzfoto und runter
bin i maschiert noch Türnitz zum Parkplatz.
Noch fost 7 Stunden und üba 20 KM und an mordstrum Gusta auf a Bier
bin i zu meiner Tochter..... TANKEN !
20 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.