Zur Adventzeit
D’Zeit, sie rinnt – d’Adventzeit kimmt
D’Zeit, sie rinnt – d’Adventzeit kimmt
D’Zeit, sie rinnt, sie laft so g’schwind,
wia Wossa durch de Finger.
So klar, so hell, und doch so weit,
wia a Liad aus Ewigkeit.
Sie mecht nix bös, und trotzdem treibt’s
uns weiter, bis ma müd’ und bleich.
Von Haus zu Haus, von Ort zu Ort,
wia Wind, der immer weiterfahrt.
In da Fruah, da läut scho z’friah,
da Mensch steht auf — aus Gwöhnung, nia
aus Lust, aus Freid, aus eigner Kraft,
nur weil da Alltag’s Rufen schafft.
Ma schaff’n, renn’n, hetz’n bloß,
da Geist wird müd, des Herz wird kloß.
Da Wunsch nach Ruah, nach wärm’n G’fühl,
der bleibt oft hinten, still und kühl.
’s liebe Göld — a Leb’nsmüh,
a Fluch, a Segen, wia ma’s sicht.
Es glänzt so sche, doch macht`s uns blind,
wia’s is, wann’s Herz im Göld versinkt.
Vergess’n wird, wos wirklich zählt,
wos Freundschaft trogt, wos Liab erwählt.
Blind vor Gier, vor Arbeit, Pflicht,
verlern ma’s Sein, des eigne G’sicht.
Und dann — Advent, a leise Zeit,
wo Kerzen brenn’n, wo’s Herz sich freut.
A Hauch von Fried’n, a warmer Blick,
da Mensch kimmt langsam z’rück zum Glück.
Sog „Danke“, wo’d’s no nia g’sogt host,
reich d’Händ, wo’s früher Zorn nur kost’t.
Verzeih, wo Wört weh duan und brenn’n,
lass Liab des alte Leid verdräng’n.
Umarme d’Leit, schau’s ehrlich o,
damit a Gfühl vo Näh entstehen ko.
Ma sitzt im selben Boot, des is g’wiss,
ob reich, ob arm — des Leb’n is, wies is.
Ma wünscht si Fried’n, Liab und Mut,
Geborgenheit, die g’scheit guat tut.
A Mitanand, warm, echt und klar,
damit ma wiss’n: Menschsein war.
Wo Denken frei is, Herz net eng,
wo niemand richtet — nur Verständnis bringt.
D’Zeit vorm Weihnacht, still und g’schmeid,
is Zeit für Liab und Gütigkeit.
Trau di, mach an ersten Schritt,
geh aufan zua, schau, was passiert.
Freundschaft wächst, Liab blüht auf,
verjogt de Gier, vertreibt den Schnauf.
Lebt’s Menschlichkeit, lebt’s des Sein —
so kimmt a Fried’n ins Herz hinein.
A scheene Adventzeit und a still’s Weihnacht,
mit de, de di liab hob’n — in warm’a Nacht.
Martin Boubal
Aktuelle Nachrichten aus Niederösterreich auf 
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.