In der Kältn bleibt ois frisch... sagt ma...
Wenn des so stimmt, dann hab i mi heut ana Frischzellenkur unterzogn... Alle meine Zellen hab i der Kältn ausgsetzt... schau ma mal, obs was hilft... Heut war i Schnee schaun am Hochanger. Vor a paar Tagen is ja die Erika dort gwesn, da is noch keiner glegn, nur a Wind is gangen. Heut war alles weiß und der Wind war scho weg. Dafür wars anständig kalt, und i hab den Schneefall mit runter gnommen bis zur Seebergalm, wo mei Auto gstandn is. A herrliche kurze erfrischende Nachmittagswanderung...