Poah... scho glei vahuckt.
... jo so wos passiert ma a. Der Tog - Märchenhaft schön und deshalb hob i ma den Prochenberg vorgnumma.
Knopp vor Mittog bin i erst weg. Mit´n Auto noch Maria Seesal . A kurvige und bergige Streckn . Do hot sich der Gummi von meinen Radl gaunz schön auf den Asphalt presst.
Von Maria Seesal is weg gaunga. I sog euch´s , echt immer nur stetig bergauf. Und des gor net so seicht. Worm wors a so vü - und des lost an gaunz schön ins Schwitzen kumma.
Bevor i zur Prochenberghütte zuwe bin... wor a Gipfelbesteigung notwendig. Der Kreuzkogel is jo gor net so weit weg von der Hütte. A wunderschöner Rundumblick hot ma do oben. A wors auf der Aussichtswarte die neben der Hütte steht auch sehr interessant. Nochdem i olles gsehn hob , wor des Bier und die Jaus´n um so bessa. Und natürlich wor a echt a liabe lustige Gruppe Wanderer a vor Ort. Zuwe - ghuckt und a Gaudi gmocht. Und do hob i die Zeit fost vagess´n. Wos i olles trunka hob ? sog i do jetzt net... auwa owe is echt locka gaunga... Über Mitterlehen is wieda noch Maria Seesal gaunga.
A super schöne Runde... mehr kaun i do nimma dazua schreim.
Ps... Sollt wer von den liaben Leut des lesen... Ich dank euch , schön euch kennengelernt zu haben.
9 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.