De Trestara san do
Hallo, hollodaro, de Trestara san do!
Wünschn an Fried, an Gsund und an Reim,
und wonns enk guat geht, donn soits a so bleibn!
Hallo, hollodaro, de Trestara san do!
Mia san de Schönperchtn, aufn Kopf trogn ma a Fedakron,
tonzn und stompfn des Wintakorn ausn Bodn!
Ziachn a d’Rauhnacht zu de Bauersleit,
insa Tonz vahoaßt Erntesegn und Fruchtboarkeit!
Da Hanswurscht muaß am Bodn z’eascht no a Kreiz einischlogn,
bevor donn de Trestara eahn Tonz vortrogn.
Mit uns geht da Kropfnschnoppa, de Howagoaß und da Bär,
Lopp und Lappin und sogoar de Hennapercht!
De tuat zum Schluss no a großes Oa legn
ois Symbol für a nei entstondenes Lebn!
De Soifeldner Trestara tan a Bsundaheit hobn:
A Oansiedla is dabei, grod wia am Poivn obn!
Hallo, hollodaro, de Trestara san do!
Wünschn an Fried, an Gsund und an Reim,
und wonns enk guat geht, donn soits a so bleibn!
Hallo, hollodaro, de Trestara san do!
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.