Leserbrief aus Rohrbach
"Des is Zerstörung unserer Språch"
Willi Hopfner aus Lembach hat ein Gedicht zum Gender-Katalog aus Kärnten verfasst.
Wånn ma in da Zeitung lest, då muaß ma´ si´ fråg´n,
ob denn die Politiker in Kärnt´n nix wichtiger´s zan denga håb´n.
Unser Språch´ durch gendergerechte Texte zu ruinier´n,
wås geht denn då vor in denen eahnan Hirn?
Wånn Leut´ die solche Richtlinien erlåss´n a Lånd regier´n,
då muaß ma´s mit da Ångst z´tuan krieag´n.
Denn ma´ kå´ af koan Fåll sicher sei´,
dass denen net nu a greßera Unsinn fållt ei´.
Wånn unsere kulturhistorisch g´wåchsenen Berufsbezeichnungen koa Ruah mehr håb´n,
dånn is dies Zerstörung unserer Språch, mehr kå´ ma då net såg´n.
Da Bauer wird zum låndwirtschaftlichen Beschäftigten, da Polizist wird Polizeikråft g´nennt.
Da Hausmoaster wird zur Fåchkråft für Gebäudemanagement .
Aus Våter/Muatter wird Elternteil, Erstlånd nennt ma unser Våterlånd,
då såg i dazua, dies is a Schånd´.
Da Gåst wird zur Besuchsperson,
die Berufe so zu vahundsn, is a Hohn.
Aus Tågesmutter wird a Tågeselternteil
und so kinnat ma die List´n unsinniger Berufsbezeichnungen nu fortsetz´n a gånze Weil.
72 Seit´n håt dies unsinnige Wörterbiachö mit såmt dem Anleitfåd´n,
schåd´ um´s Papier auf dem´s g´schieb´n, mehr kå´ ma då net såg´n.
von Willi Hopfner aus Lembach
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.