Mundartpoesie
Reg'nbog'n
- Mundartgedicht von Gottfried Preuler aus Randegg über die Schönheit des Regenbogens.
- Foto: Stefan Pruckner
- hochgeladen von Roland Mayr
Reg'nbog'n
Reg'ntropf'n üwaroi
zwisch'ndurch a Sonnenstroi,
der an Reg'nbog'n spaunt
am Hümmi wia mit Zaubahaund.
Oille Forb'n siacht ma do
und am Ende irgandwo,
is a Topf mit Goid va steckt
koana hot den nu entdeckt.
Wäu duat nix vagrob'n liegt
alloa dass es an Reg'n gibt,
is scho Wunda g'nua auf Erd
und des is tausend Schätze wert.
Oa Tropf'n nur von dies'm Noss
loßt wochs'n üppig s'greane Gros,
und de Bleamal voilla Procht,
nur des Wossa hot de Mocht.
Drum is des a des höchste Guat
wos ma auf Erd'n hob'n tuat,
wäu wär's so trockn wia am Mond
daun wa de Wöd a unbewohnt.
Mundartgedicht von unserem
Hauspoeten Gottfried Preuler
Weitere Mundartgedichte auf
meinbezirk.at/mundartpoesie
Aktuelle Nachrichten aus Niederösterreich auf 
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.