CORONA-RÜCKBLICK - Herbst 2020
Walter A. Kapitel schickt uns folgende Zeilen:
CORONA-RÜCKBLICK - Herbst 2020
Pepi, da Voda, nimmt sei' Theres' in'd Arm und denkt an dia Zeit im Frühjohr.
Ei'sperrt worn's in ihr'm Haus, aussi durft'n's net, wega dem Corona.
Da Pepi hot koa Arbeit g'habt ois Tischler, sei Firma hamm's zuagsperrt.
Sei' Tochta, dia Vroni hot nimma arbeit'n derfa in ihra neien Boutique, und
d' Mutta hot kocht für dia ganze Grupp'n.
Füi Angst hams g'habt, wie's mit eahna weitageht.
"Reicht uns dös Ersparte füa dia nächst'n Monat'?"
Es wor dia Zeit der b'sondern Art.
A junge Nachbarin, is' zu eahne rüba kemma, hot an selbstgebackten Kuacha brocht, und
g'frogt, ob's was mitbringa sollt' vom Kramer.
In ihra Familie san's näher z'samm g'ruckt, hamm füi mehr mitananda g'redt und mehr aufananda g'achtet.
Jetzt schau'n's mehr auf d'Natur,
kauf'n dös, wos wirkli' brauch'n, fohr'n weniga mit'm Auto und bleib'n im Urlaub in ihram scheena Land.
Sie moch'n jetzt, wos wirkli' zählt auf dära Welt.
"Weniga is' mehr!"
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.