Meine Faironika!

Im Wirtshaus trifft man immer jemand der irgendetwas erzählt!
Ich habe eine Kuh getroffen und zu ihr gesagt:
Faironika der Lenz( ) ist da!

Faironika, des is net fair,
a Mostbirn steht im Kreisverkehr!
Faironika du bist nu jung,
de Mostbirn de håt eh an Sprung!
Faironika des dau´t sei´ Zeit,
dånn håst du Plåtz, des is a Freud,
weil jede Birn, mit Sicherheit,
is irgendwånn amoi dafäut!

Faironika, des is net fair,
a Mostbirn steht im Kreisverkehr!
Herr Mostbaron und Frau Eis´nwurz,
de zwoa de kemman a net z´kurz!
Ban weiss´n Kreiz håb´ns´ einig´stellt,
a murdsgross Trum, wås kost de Welt!
De Fårb is teurer wia da Most,
weil d´Hälfte de is schon darost!

Faironika, des is net fair,
a Mostbirn steht im Kreisverkehr!
Da Schmied und a da Tischlerer
de woll´n a in den Kreisverkehr!
Da Tischler håt an Hobe´ g´richt´,
in Schmied sei Amboss håt z´vü G´wicht!
Es is nur Plåtz fia d´Birn van Most!
Des bleibt a so! Na Danke!
Prost!

Faironika, des is fatal,
in dir is g´steckt a Marterpfahl!
Dei` Kopf, alloane mit da Kett´n,
is a scho` in da Zeitung g´we´n!
Dei` runder Bauch der wird vermisst,
des wår gånz sicher a Sadist
und wånn ma´ dånn ein Foto schießt,
das die beste Werbung ist!

Faironika, des is net fair,
dir rennan soviel hinterher!
In da Zeitung då steht „Gebt doch Ruh!
Seid tierlieb zu der Plastikkuh“?
A Plastikkuah, wås kost` de Welt,
si` jeder gern vor d´Haustür stellt!
Mei` Froni de is pumperlg´sund,
weil neb´nbei sitzt a großer Hund!

Faironika des is net fair!
Dir rennt überhaupt neam´d hinterher!
Es hilft koa Jammern und koa Bitt´n,
unser Milch de soll´ma wega schütt´n!
Dem Obmånn der IG-Bruderschåft
dem kost´ des båld sei´ letzte Kråft,
er ruaft ålle auf zum Bauernstreik,
wer net mit tuat der is feig!?

Faironika dei´ Hörndl brennt,
weil in jed´n G´schäft da Konsument
der schaut am Preis, es is eahm net egal,
denn er håt viel Auswåhl im Regal!
Fåst jeder Bau der is a Christ,
d´Faironika måcht weiter Mist,
zan Milchausschütt´n wird er verführt,
åb jetzt wird Budda g´rührt!

Faironika des is net fair!
Auf da Autobahn per Fernverkehr,
då wird die Milch ummanånda g´führt,
a über d´Grenz´ wird s´ exportiert!
Da Obmånn jeder Molkerei
sågt in der EU is Handel frei,
a jeder kriagat va eahm mehr Geld!
Doch ´sGeld regiert die Welt!

Faironika jetzt håst´as g´schåfft,
des geht nur mit vereinter Kråft,
doch ein Teilerfolg is des nur g´we´en,
van Håls is weg a schwere Kett´n!
Du bist nur frei auf deiner Woad,
des Leb´n geht weiter und is hårt,
pass auf in Zukunft wia a Viech,
dånn versickert nia dei´ Müch!

Faironika des is a Gfrett!
Ma siacht di´ zwår im Internet,
doch du dårfst net z´weit dåni geh´n,
nur hofnah ummanånda steh´n!
Du siachst jå selber wia des is,
schnell renna, des hoaßt Musk´lriss,
d´rum geh´ net d´rüber über d´Grenz´,
hintern Holz.. im Lenz´!

Faironika dei´ Hörndl brennt!
Dei´ Milch kost´t unter 30 Cent!
Da Faymann håt des scho´ erfåhr´n,
die årmen Milchbau´n hålt´n s´ fia Nårr´n!
A Bau´ der will hålt a nur Leb´n,
nur irgendwer muass ´sGeld hergeb´n,
sonst is da schwårze Bau´ båld tot!
Zan Glück is d´Froni ROT-weiß-ROT!

Faironika des is net blöd,
Du stehst scho´ wieder glei´ nåch Oed,
ban Autofåhr´n hoaßt´s konzentrier´n,
ma siacht nur Äpfel und a d´Birn!
Du håst die Wies´n wieder b´setzt,
es hoaßt du hätt´st in Stååt verletzt,
pass auf im Paragraph´nwåld,
weil då håb´n scho´ soviel zåhlt!

Faironika die Prominenz,
sie schaut auf di´ im wårmen Lenz!
Da Lenz der kommt dir jetzt abhand´n,
mit seine Eck´n und a Kant´n!
Båld kimmt die nächste Jåhreszeit,
da Hålbe May sågt es is Zeit,
urlaubsreif fåhrt er voll schårf
mit´m Zug nåch Gerersdorf!

Faironika, ein mords Prozess,
der wird dir g´måcht, wås is den des?
Am Tåg der Urteils-Verkündigung
denkst du der Stååt der håt an Sprung!
Die Staatsgewalt sie hat gesprochen,
du håst då a Gesetz gebrochen,
du bleibst gefess´lt und geschnürt,
åb hiatzt! Du håst di´ g´rührt!

Faironika hiatzt sei doch g´scheit
und akzeptier doch den Bescheid!
Sogår der Exekutionär
sågt d´Froni die håt´s wirkli´ schwer!
Ertråg´ geduldig den oan Prüg´l,
du glaubst net wås er g´sågt da Figl,
er håt behaupt´t, er is g´storb´n im Mai:
„Österreich ist frei!?“