A wengal zweng - GSCHAUT

So kaun i die heutige Tour beschreim. Wollt i doch gaunz wos afoches
maschiern... weil i jo eh gestern auf da Veitsch wor. Deshalb wor die
Hochsteinbergalm auserkoren... Is jo nur 551 Meta hoch.
In Kirnberg hot die Tour begonnen... beim Musikheim is weggaunga und a
Stückl des Römerweges entlang.
Makierungen gibts jo eh genug - Zahlen und Farben... aber so richtig
die Alm is net augschriem... eher die Hausnamen der Gehöfte.
Also is geh so dahin und schau - weils ja a ganz a Fremdes Gebiet is
für mi.... hots ma a glei den Huat vom Kopf gholt. Im Geäst is er
ghängt. An Bauern hob i gfrogt wias auffi geht zur Alm... hot er ma
den Hügel zagt. Denk i ma.... do bin i glei oman.
Denkste.... i maschier die Stroßn auffi - kumm i zu ana schorfen
Kurve - schau mi um und siach ka Schild.
Noch Gfüh hob i mi natürlich in die Falsche Richtung gschmiss´n...
weil gor net laung darauf hob i wieda so a Zahlenmakierung gsehn...
und der bin i noche.
Sogar a selbstgschnitztes Schild vom Almgasthaus wor dort.... A
wengal komisch vadraht. Denk i ma do geht des Waldwegal rein... do
muaßt ene... i maschier und maschier... net nur i hob mi bewegt sondan
a die Zeit.... kummt ka Almgasthaus.
Mucksmäuschenstill wors dort nur a riesen Kreuz hob i mal gsehn und do
bin i nu weida. ... fü zu weit. Noch laungen MEHR - KM - hob i umdraht
und wieda zruck... in der Ferne hot ma schon a Gehöft gesehen... dem
bin i daun noche.
Und des wors a.
Wor i froh .... Guat gegessen und getrunken is wieda owe gaunga. Der
Hüttenwirt hot ma des echt guat beschriem - nur wieda hob i den Weg wo
i schon mal herkumma bin - wieda zruckmaschiern müssen.
Jo mei - sans holt a poor KM mehr worn.
Und des Gebiet kenn i jo jetzt a. grins.