Mei Koaser
- Die Kaiserer Kirche trohnt über dem Steilhang, mit auf dem Bild ein Heinzenschopf, der in die Jahre gekommen ist
- hochgeladen von Veronika Neurauter
Huach am Berg
leischt du mei Koaser,
noah bam Himmel, weitoa vo dr Walt.
Inser Kirchle griaßt jedn,
oalle ziacht`s o, koar geht hoam ohne Truascht.
Zach miaßa mr scho sei, daß mr die 600 Joahr
überstonda hoaba trotz oaller Gfoahr.
Pescht hoat viel mit, gmurt hat`s und glant,
d`Kircha isch oagabrennt, 1938 o d`Schul,
oaber iatz steaht sie wieder doa, prächtig und
gruaß, mir fihla ins gborga in ihrem Schuaß.
O, Hoamat, wia weah muß es tia,
wenn viel vo da Junga ziacha i`d Fremd,
weil sie sischt dahoam
vuarm laara Tisch sitza miaßta.
Aober mir hoalta zu dir,
dia Luft und dös Wosser,
dia Bluma, dia Berg
heba ins hea auf die Scholla,
heba ins hea auf die Erd.
Joa, mir hoalta zu dir,
ko kema was moag!
Mir sei die Zukunft!
Mir sei dei Frad!
(Mundartgedicht von Annelies Pfefferkorn, anlässlich der 600 Jahr-Feier 1985 der Gemeinde Kaisers)
3 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.