Landjugend Oberösterreich
Låndjugnd zoagt Oigemeinwissen und Wortgewåndtheit
- Beim Wettkåmpf deaf natürli a de Gaudi ned z'kurz kemma.
- Foto: Låndjugend Obaöstarreich
- hochgeladen von Katharina Bernbacher
D'Låndjugend Obaöstarreich hod am 5. Mai an 4er-Cup und an Redewettbewerb gmocht.
PERG, DILLIBEAG, HANDNBEAG. Bei zwoa Veronstoitungen am 5. Mai hom de Mitglieda vo da Låndjugend Obaösterreich eana Talent bewiesen. In da Neichn Mittlschui in Perg san 24 4er-Cup-Teams in puncto Oigemeinwissn und 45 Redna jeweils gegenanonda åntretn.
Beim Låndesentscheid "Reden" hods insgesåmt fümf Kategorien gem. De Burschen und Mädls ausm Beziak Braunau homs grockt: In da Kategorie "Spontanrede unter 18" hod d'Pemwieser Julia, vo da Låndjugend Dillibeag, den ersten Plåtz gmocht. Da Grubmülla Manuel vo da Låndjugend Handenberg is da zweite bei da "Vorbereiten Rede unter 18 Jahre" woadn. Und den dritten Plåtz in da Kategeorie "Vorbereitete Rede über 18 Jahre", den hod da Eda Christian, a vo da Låndjugend Handnbeag, gmocht.
Zeitgleich hod a da 4er-Cup mit 24 Gruppn ståttgfundn. Dabei hom sie jeweils zwoa Buam und zwoa Mädls zu am Tiem zomdo und hom vaschiedene Aufgobn aus de Bereiche Mathe, "Am Bau" oder "Aktuelles" meistan miassn.
De Gewinna vo de zwoa unterschiedlichen Beweabe vatreten d'Låndjugend Obaöstarreich beim Bundesentscheid "Reden & 4er-Cup", von öiftn bis 14. Juli in Osttirol.
Aktuelle Nachrichten aus Braunau auf 
Du willst eigene Beiträge veröffentlichen?
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.