A Gedicht hoid/24
A neichs Joar hod wieda augfaungt
- hochgeladen von franz döller
Weihnochtn und Süvesta san vabei, 2020 schreim a jetzt schau -
jetzt wort ma hoid amoi, wos des neichi Joar ois so kau,
gsund sei is des Wichtigsti und z'friedn soi ma hoid a a weingl sei -
ma woas eh ned wos kimmt und oft kaus daun eh gaunz schnö gei,
Gemeinderotswoin hauma am 26. Jänner, do gehts wieda rund -
am bestn goar ned zvü aufreng, wei des is ned so gsund,
gaunz gschaffti sans schau, de Kandidatn va de vaschiedanen Partein -
vasprecha doans wieda des Blaui van Hümmi, des is zan schrein,
ba uns gem de Türkisn au, se haum af d'Stross auftrong a gaunz a dünni Schicht -
ob des laung hoit, vü glaum hoid a, das des boid wieda bricht,
de Rodn hädn eigentli de meistn Mandate, davau is leida ned vü zan gspirn -
owa a eigani Listn und de Blaun derfan schau a bissl mitregiern,
da Burgamasta woar ba uns in Gmünd joarzehntelaung in roda Haund -
vielleicht jo boid wieda, ma derf af jedn Foi sei gspaunnt,
5 Joar regiern de "Neichn" daun wieda, entweda gehts guad oda es krocht -
Jeda und Jedi soi si gaunz guad iwaleng, wo a se Kreizal himocht!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.