Fasnacht 2015 in Telfs: Aufführung des "Bachoufn" beim Schleicherlaufen

TELFS. Wie es bei der Fasnacht der Brauch ist, gehen die "sprechenden" Gruppen bei den öffentlichen Aufführungen nicht gerade sehr zimperlich mit den örtlichen OrtspolitikerInnen um, so manches gesellschaftliches Problem wird ohne Maulkorb, im Dialekt und überzogen zur Sprache gebracht. Talentierte Schauspieler der Volksbühne Telfs und andere sprachgewandte Telfer sorgen seit 1985 wieder (nach einer Pause ab 1965) beim "Bachoufn" für eine unterhaltsame Aufführung. Natürlich geht es beim Bachoufn sehr heiß zu, und für die Zuschauer gibt's den einen oder anderen Brotlaib, der durch die Luft fliegt! Viel Spaß bei der Nachlese!
(Spruch zum Naz-Ausgraben folgt zum Schluss)

Fasnachtstext Bachof´n 2015

Endfassung: Andreas Schatz, Gert Windisch, Harald Larcher, Werner Neuner
Altbauer: Werner Kugler
Jungbauer: Andreas Schatz
Jungbäurin: Michael Windisch
Ochsenknecht: Josef Grimm
Magd: Gert Windisch
Jungknecht: Werner Neuner
Schweinderl: Harald Larcher

(Wagen fährt ein – Kühe brüllen – Wagen steht- der Altbauer sitzt vor dem Bachof´n und strickt.)

Ochsenknecht:
(Hält Ochsen am Halfter – zieht)
Meg´s nit amal weiter, ös stur´n Böck!
So kimmt der Karr´n nia aus´n Dreck!
Ös seid´s ja gleich wia die Bundesregierung,
lei allweil fescht den andern blockier´n.

Jungknecht:
(mit Handwagen, gefüllt mit Loabelen)
Da ham mir´s in Tirol anderscht fein,
bei ins herrscht immer nur Sonnenschein.
Seit die Ingrid und der Günter sein a Paar,
kemmen für Tirol die fett´n Jahr.

Magd:
(mit Rechen)
Stimmt, vor lauter harmonisch
geaht nix mehr weiter, bis alles gar isch!
Auf der Autobahn gilt Tempo 100,
die Hypo fascht pleite, was mi nit wundert.
Bei dem unfähig´n Aufsichtsrat
isch´s ‚Einbrems´n ja fascht schon z´schpat.
(recht Heu zusammen)

Jungbauer:
(mit Gabel)
Iatzt heart´s amol auf zum Lamentier´n,
miar miass´n inser Heu einführ´n,
inser Betrieb muass si a lohnen,
miar leben ja lei mehr von Subventionen.
(wirft das Heu mit der Gabel in den Buckelkorb, den die Bäurin bringt)

Jungbäurin:
Geah Sepp, i will ja nit allweil reahr´n,
kannt´sch du amol beim Vater plärr´n.
Er soll decht amol den Hof übergeb´n,
miar Jungen mecht´n endlich a davon leb´n.
(Geht zum Wagen und stopft das Heu hinein)

Schweinderl:
Spitzt´s euchre Schweinsohr´n --- Du Bauer!

Jungbauer:
Ja, Schweinderl.

Schweinderl:
Isch des wahr, dass der Altbauer sich übergeb´n will?

Jungbauer:
Ja, natürlich, aber des hoaßt nit schpeib´n, Schweinderl. Des hoaßt übergeb´n.

Schweinderl:
Aha, du Bauer!

Jungbauer:
Ja, Schweinderl.

Schweinderl:
Was will er sich denn übergeb´n?

Jungbauer:
Spitz deine Schweinsohr´n und horch zua!
Vater, i bin ja dei´oanziger Bua!
I mecht endlich amol auf eig´ne Füaß schtiahn
und mein Weg selbschtändig weitergiah´n.

Altbauer:
I han euch schon g´heart, i bin ja nit tearisch,
wenn´s a mit´n Arbeit´n nimmer weit her isch!
Zun Weitergeb´n han i lei weni´,
kann dir koan neuch´n Hof kaff´n, so wia der Thöni.

Jungbauer:
Vielleicht kann i dei Wies´n beim Leitner vermehr´n, nacher tat mir´s Zehnfache in Birkenberg g´hear´n.

Magd:
Mei Bauer, tat mi des für di g´freun,
nacher kannt a mei Loahn a bissl heacher sein.
(lehnt sich zum Wagen, liest die Zeitung)

Jungknecht:
Inser Amtsleiter, woasch, der mit der Glatz´n,
hebt a lei au sei gierige Pratz´n.
War mit sein Gehalt nit ganz zufried´n,
drum hat er an Consaltingvertrag unterschrieb´n.

Jungbauer:
Freu di nit z´friah,
i hoaß zwar a Toni, aber so reich wia der wear i nia!
Da fahl´n mir die nötig´n Protektionen,
bei dem wer´n aus a paar Schilling a paar Euromillionen.

Altbauer:
Moansch du vielleicht den Hai, der im Schwimmbadgeld schwimmt,
und jed´s Monat brav sein Scheck annimmt?

Schweinderl:
Spitzts euch´re Schweinsohr´n! Du Altbauer!

Altbauer:
Ja, Schweinderl!

Schweinderl:
Moansch, sein die Wegg´n schon gar?

Altbauer:
Ja, natürlich, hau´mer aussi a paar!

(Loablen schupf´n)

Magd:
(kommt mit Tageszeitung)
Hab´s scho g´les´n, der Schröcksnagl weard sei Flutlicht nit los, die Oppitz will´s a nit, isch des nit kurios?

Jungknecht:
I hatt´da schon a g´scheite Idee:
Mir kannt´n den Buach´ner Lift reaktivier´n,
in Gasper a biss´l an Guld´n zuaführ´n.

Ochsenknecht:
Genau, nacher gang´s mit sein Hotel wieder weiter, da hatt´er a Gaudi, der arme Heiter.

Magd:
In Rietz schtiahn a no a paar nuie Ruinen,
de wart´n auf a Finanzlawinen,
damit sie alls können renovieren,
da muass die Gemeinde no viel inveschtier´n.

Ochsenknecht:
Ja, ja, mit an Mullplatz Geschäfte mach´n
isch für die Betroff´nen gar nit zum Lach´n.
Und die Moral von der Geschicht:
Der Krug geaht solang zum Brunnen, bis er schpeibt, na bricht.

Jungbauer:
(Zieht die Ochsen gemeinsam mit dem Ochsenknecht vergeblich am Halfter)
Dei zwoa Rindviecher können no so blockier´n,
miar wer´n insre Loabelen dechtasch ausfiahr´n.
Der schwarze Och´s mecht von der Lizum in die Schlick,
dei griane Kuah mecht ins lesch´te Jahrhundert zurück.
Pfiat enk!

- (Loabelen schupfen und ausfahren) -

Nazausgraben – 2015 – Bachofn (Harald Larcher)

Naz, 5 Johr hasch in Sauplatz´l tramt,
i glab, da hasch nit viel versamt!

All´s was sie domols ham versproch´n,
ham sie längscht schu wieder broch´n.

A Kraftwerk, a nui´s Schwimmbod, a Freizeitpark,
oll´s schu passe´ , isch des nit stark?

Der IKB sein die Säuwoadmillionen
weg´n an Käfer in Iii ouig´ronnen.

An anderer Kurzflüg´lspinner, na Spanner
inveschtiert in an Eispalascht, er hoaßt Dr. …..

iatzt isch mir decht glatt der Namen entfall´n,
tuat nix, deis Land weard schu weiterzohl´n.

Und steig´n a weiterhin die Schuld´n,
nacher schickt halt der Geisler no a poor Guld´n.

Dei hat er vo´ Thöni´s Stiftung g´nummen,
für dei Herrn sein dös decht koane Summen.

Naz, damit sich des aa für dii rentiert,
ham mir dir a Paar´l Schlittschuach schpendiert,

dazua no an Dauereintrittsschein,
für di sollt ins gar nix zu teier sein.
Naz, 5 Johr hasch in Sauplatz´l tramt,
i glab, da hasch nit viel versamt!
 
All´s was sie domols ham versproch´n,
ham sie längscht schu wieder broch´n.
 
A Kraftwerk, a nui´s Schwimmbod, a Freizeitpark,
oll´s schu passe´ , isch des nit stark?
 
Der IKB sein die Säuwoadmillionen
weg´n an Käfer in Iii uig´ronnen.
 
An anderer Kurzflüg´lspinner, na Spanner
inveschtiert in an Eispalascht, er hoaßt Dr. …..
 
iatzt isch mir decht glatt der Namen entfall´n,
tuat nix, deis Land weard schu weiterzohl
 
Und steig´n a weiterhin die Schuld´n,
nacher schickt halt der Geisler no a poor Guld´n.
 
Dei hat er vo´ Thöni´s Stiftung g´nummen,
für dei Herrn sein dös decht koane Summen.
 
Naz, damit sich des aa für dii  rentiert,
ham mir dir a Paar´l Schlittschuach schpendiert,
 
dazua no an Dauereintrittsschein,
für di sollt ins gar nix zu teier sein.

Nazeingrab´n Bachof´n 2015

Mei liaber Naz, du steiler Krag´n,
die Bäck´n woll´n heut Dankschian sag´n.
Der Kind´sdiarn, dei bei Tag und Nacht
An Superjob mit dir hat g´macht.
Marktau –marktou vo spat bis friah,
so bekannt war´sch du no nia.
A groaßes Lob kriagt no dazua
der Meisl Thomas, der Goaßerbua:
Für´n Traktor, für´s Einstell´n vun Loaterwag´n
Können miar heut´ Dankschian sag´n.
Vergess´n mir a Zuig schu wieder,
na´r kriag mer alles vo´der Ida.
A die Krismergießerei mit Wolfgang, Roland und Kunibert
isch ins a groaßes Dankschian wert,
gleich wia inser Exgotl, s´Prantl Gabile,
sie hat uns g´lich´n ihr Loaterwagile.
Und no a Lob, du kloane Pupp´n,
derBauhof isch aSupertrupp´n,
oa Stund nach´m Ausfahr´n,
wirklich wahr, der Markt scho wieder sauber war.
An Dank a die Grianen für´s Lokal,
s´war Samstag und Montag für ins optimal.
Vergelts Gott a dem Munde-TV
mit der Steffi, sie isch a Superfrau,
allm unterwegs, bei Tag und Nacht
hat sie die Fasnachtswerbung g´macht.
So Naz, miar miass´n weck, du liaber Heiter
mach in fünf Jahr bittschian so weiter.
Pfiat di.

Zu den Texten der Gruppe der "Vogler" beim Schleicherlaufen 2015:
http://www.meinbezirk.at/rietz/chronik/fasnacht-2015-in-telfs-auffuehrung-der-vogler-beim-schleicherlaufen-d1240735.html
Texte der Gruppe der "Beasn Buam" 2015
http://www.meinbezirk.at/rietz/kultur/fasnacht-2015-in-telfs-auffuehrung-der-beasn-buam-beim-schleicherlaufen-d1240682.html
Texte der Gruppe der "Kurpfuscher":
http://www.meinbezirk.at/rietz/kultur/fasnacht-2015-in-telfs-auffuehrung-der-kurpfuscher-beim-schleicherlaufen-d1241727.html
Texte der Gruppe "'s Galtmahd":
http://www.meinbezirk.at/rietz/kultur/fasnacht-2015-in-telfs-auffuehrung-der-gruppe-s-galtmahd-beim-schleicherlaufen-d1240670.html
Texte der Gruppe "Soafnsieder":
http://www.meinbezirk.at/rietz/kultur/fasnacht-2015-in-telfs-auffuehrung-der-soafnsiader-beim-schleicherlaufen-d1242799.html