Reingsteckt in die Bucklkraxn...
... oder "Rucksack" sogt ma heut dazua...
Hot mi die Erika do reingsteckt und mi anfoch vur die Tür gstöllt! Einfach so!!!
Eh kloar, weil i immer gsudert hob, dass i nia aussi kumm!
Do hör i auf amol wen auffakumman, mi mit meim Rucksackl aufhebm und aussitrogn!
A Stückerl mitm Auto samma gfoahrn, die Karin und i! Und jetzt samma do! In die Ötschergräbm spazier ma a Stückl eini - von Mitterbach weg.
Sie hot mi glei mitm Rucksackl spazierntrogn... Owa damit woar i ned ganz einverstandn!! I wollt ja selba den Schnee unter die Stiefaln spürn! Also bin i kurzerhand glei amal aus meim Gfängnis aussaköpflt und davongrennt!
Leider bin i ned sehr weit kumman, weil die Karin schnell do woar und mi erwischt hot!
Wos soll i sogn, sie hot mi wieda einigsteckt in ihr Bucklkraxn! Da hab i aba sooo lang graunzt, bis sie mi endlich aussi lassn hat, damit i ma die Fiaß a bisserl vertretn kann. I wollt Versteckn spieln. Da hat sie mi sehr schnöö gfundn! I glaub, der Schnee is schuld dran gwesn...
Und dann endlich hat sie mi a bissl selber laufm lassn, aba wahrscheinli nur deswegn, weil sie ma beweisn wollt, dass i de ganze Streckn zruck eh ned schaff selber zu gehn. Dass i dabei vüüü zu müüd werd und dass ma NIIIEEE dahaam ankumman werdn, weil i sooo langsam geh und dann hat sie mi endlich auf ihre Schultern gnommen...
Des war am lustigstn! Da hab i am meistn gsegn und war selber am größtn!
Des war a toller Ausflug! Mei, was glaubst, wia miad i dann woar!!!
Pfiat di bis zum nächstn Mal!!! I bin scho neugierig, wer als Nächstes mit mir was unternimmt!
18 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.