Oastafoia
Buama kemmts, mocht's an Turm!
Mei Hoiz nemmt's, hot ea schoa an Wurm.
Boid is Oastang, da Kårsomståg is boid.
Mit'n Traktor und'n Åhänga foart's za mia hoid.
Dö Buama bringan 's Hoiz hea mit'n Wurm,
und baunt in da Wiesn en scheanstn Turm.
Do siacht ma glei, dass se dö Såch vastean,
a muass a a Kreiz auffi, z'seachn a no en Wean!
Oba nocha, bis dass da Kårsomståg is, passt's auf!
Es gibt Possndippe, so hobts an guats Aug drauf.
Do siacht ma üba dö gonzn Nächte Liacht en Zelt,
Nit amoi wecklockn liassat'n se se mit fü Geld.
Dö Madla fa da Låndjugend singan nåcha in da Nåcht,
a dö Stubm Musi hot wea noch dazua bråcht.
A so a Oastafoia g'måcht mit Liab und Fleiss,
hot in da Oastanåcht woi den höachst'n Preis.
©Josef Lankmayer
2 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.