Bezirk Oberwart

Da Pepi - Best of 2020: Die besten 30 Sager

BEZIRK OBERWART. "Da Pepi" hat Woche für Woche was zu sagen und die besten 30 Sprüche des Jahres - je 15 pro Halbjahr - sind hier zusammengefasst. Es ist sicher auch das eine oder andere Schmankerl für euch dabei.

Da Pepi - 1. Halbjahr

"Oiso, 2019 wuitn a poar Leit a Frau fian Pepi findn. Reidn is leicht, as tuin schou schwara. Owa schau ma wos 2020 ois bringt." (Ausgabe 1)

"Oiso, deis is schou a Wauhnsinn wia wichtig dear Beziark Oawawoart wiarkli is - dou trifft si gmiatli a dei hohe Politik." (Ausgabe 3)

"Oiso, am Sundo wiss ma, ob ma an roudn Koupf, a blaues Wundar, a grian-tüarkise Iwaroschung, an Kölly und wos Pinkes kriagn. (Ausgabe 4)

"Oiso, hiaz kau da "Dosko" wia a Keinig regiarn. Stott meahr tüarkis, pink oda grian is hiaz as Buargnlaund nou roda wuarn." (Ausgabe 5)

"Oiso, deis "Feia und Wei" hot ois ghobt, wos braucht: a scheins Weida, vü gmiatliche Leit, wos guids zan Eissn und zan Trinka." (Ausgabe 6)

"Oiso, dear Judo-Event woar a supa Soch! Schod, wauns dein nimma gibt. Leida wissn d'Leit oft earst, wo guid is, wauns föhlt." (Ausgabe 8)

"Oiso, hiaz woarn jo schou vü Noarrn auf da Stroßn, leida lafn a nochn Oscharmittwoch nou gmui umananaud, hoid ohne Maskn." (Ausgabe 9)

"Oiso, hiaz sui ma si nimma dei Haund geibm und stott deissn an "Ellbogncheck" mochen. Do frog i mi scha, wiar spoartlich is deis?" (Ausgabe 11)

"Oiso, i hob ma friacha imma deinkt, deis Corona is a Biar oda a kosmische Erscheinung. Owa hiaz is doch nuar a gemeina Virus." (Ausgabe 13)

"Oiso, es hoaßt weida duarchhoidn. Kua Spuart, kuane Feistln, kuane Freind, owa weinigstns hob i nou an Wei und an Wintaspeick. (Ausgabe 16)

"Oiso, am beistn vagrobt ma si die neichstn Monat und buddlt si earst im Fruahjoahr 2021 wieda aus. Daun is houffentli da Spuk voarbei." (Ausgabe 17)

"Oiso, hiaz dearf ma wieda iwaroi einkafn geihn und Leit treiffn. Owa vü zan Reidn gibt's net, wal außa Corona ois ogsogt wiard." (Ausgabe 19)

"Oiso, ma mearkt schou, dass dei Zeitn wieda a weingal noarmalar wearn. Es gibt wieda a poar Alkoleinker und Raser auf da Stroßn." (Ausgabe 20)

"Oiso, hiar dearn a dei Bäda und Seen aufmochn. Is eh supa, owa waun'd Leit bei dem Weida net eini wuin, foin dei a ins Wossa." (Ausgabe 22)

"Oiso, bei souvü Fraunpaua im Beziark dearf ma schou stuiz sein. Insare Madln san aungaschiert, innovativ, fesch und earfolgreich." (Ausgabe 26)

Da Pepi - 2. Halbjahr

"Oiso, a guida Wein und a guids Eissn ghearn wauns gmiatli is uafoch dazui - wuarscht ob beim Buschnschaunk oda Frühschoppn." (Ausgabe 28)

"Oiso, hiaz feiert dei Schutzmaskn a Renaissance. Owa eh kloar, deis Virus woar net auf Urlaub, nuar bei vü Leit dei Gedaunkn driwa!" (Ausgabe 30)

"Oiso, hiaz homma neiman Laundeshauptmaunn a an Laundesrot und an Tourismus-Chef ausn Beziark. Waun's laft, daun lafts." (Ausgabe 34)

"Oiso, schei laungsaum is wiarkli nimma lustig. Waun uan net deis Corona-Zeigs die Laune vadiarbt, tuits deis Weida." (Ausgabe 36)

"Oiso, hiaz homma nuar nou a Fuaßboi-Bundesliga-Team. Guid, dass dou Südburgenland drauf steht, wal dou is Qualität drin." (Ausgabe 37)

"Oiso, hiaz dearf ma wieda a Maskn trogn. Is eh guid, wal daun bleibt a vielleicht vü Bledsinn glei beim Ausspuckn heinga." (Ausgabe 38)

"Oiso, hiaz mearkt ma schou, dass da Hearbst do ist. I kimm neimli scha vou da Friahjoahrsmüdigkeit boid in den Wintaschlof." (Ausgabe 40)

"Oiso, hiaz schlog da Oidweibasumma grod zui. Bei deim Weida kriagt ma mit hoaß-koid wiarkli "Frühlingsgefühle" wia im Aprü." (Ausgabe 41)

"Oiso, wauns bei ins hiaz hoaßt, es stüarmt, muiss net glei da Wind stoark geihn, es kau a an zvü Glasln Firschpresstn liegn." (Ausgabe 42)

"Oiso, hias reichts ma wiarkli mit deim deppatn Virus, dear is scha iwaroi, wia deis schlechte Göd und is dabei unnedig wia a Kroupf." (Ausgabe 43)

"Hiaz homms ins an Fuaßboi odraht. Es is supa, waun ma im Buagnlaund Voarreitar san, owa iwaroi miass ma net die 1. san." (Ausgabe 44)

"Oiso, i hob ouft deis Gfühl, d'Leit wearn net gscheida. Egal bei wos fia an Bledsinn, mauche san imma wieda Wiedaholungstätar." (Ausgabe 46)

"Oiso da "hoarte Lockdaun" is hiaz voarbei, owa ohne Wellness, Gosthaus und Spuart bleibt's hoart gmui." (Ausgabe 50)

"Oiso, noch launga Zeit hob i wieda mol an Test ogliefart. Der woar negativ, owa deis woar ausnahmsweise amoi positiv." (Ausgabe 51)

"Oiso, sinst zabrich i ma imma an Koupf, wia i Sülveistar feier. Deis Joahr iwanimmt dei Regiarung deis fia mi. Oiso bleib i dahuam." (Ausgabe 53)