Oe-s für´n Topf´n

Sogt eh schon Olles.... grins.
Aber net zum negativen...

Heut vasuach i die Zeilen kurz und bündig zu Mocha.
Aufgstaund´n und glei an Nuß-Karotten Kuchen gebacken. Do hob i doch glott vagess´n... dass i des als Schritt für Schritt Anleitung fotografiert hätt. Beim fost fertigen is ma eingefallen. Danach wollt i a poor Topfen Mamalad Strudeln Mocha... Weil meina Schwesta möchte i morgen wos bringa und meiner Tochter a....
Und wos muaß i feststellen ? I hob koan Topfen daham. Also wos lockeres aunzong und los maschiert.
Oe-s für´n Topf´n.... bin i a Runde maschiert. Weit üba 20 Km sa´ns worn, damit i mit dem Topf´n hoamkumma bin... und die Strudeln Mocha hob können... grins.
Von Gußwerk bin i weg , die Alte Eisenbahntrasse entlang Richtung Rasing...Und do is ma echt wos gefährliches passiert..
I maschier do herunten hob i oben a poor Jugendliche gehört. I schau auffi (denn do geht einige Meter ober mir - a a Weg ) und do hör und siach i wias umadum handieren... Und es hot schon gepoltert 10 Meter vor mir is a mugl Stoa owa-klescht. Der hot echt org eingeschlagen. Wenn i do net aufpass lieg i nu imma durt. De san natürlich davon grennt, wia i auffi gschrian hob. Auwa... Gott sei Daunk , is Olles guat ausgaunga.
So nun weida - In Rasing aukumma bin i noch Grünau weida und zum Erlaufsee... dabei hots schon a wengal ins Regnen angefangen.
Vom See aus zum Spar in St. Sebastian worn´s a nu guate 4 Km... Aber daun hob i mein Topfen ghobt. Grins. Den Topfen im Rucksackl .....und weida is gaunga in die Mariazeller-stodt. Do durche und Richtung Kreizberg und wieda owe zur Abzweigung Salzaklamm. Über die Bruck´n drüber , wieda auffi und die Sauwandprommenade entlang bis noch Gußwerk.
Do hob i auwa schon an Hunger ghobt. Do worn die Krautfleckerln grod Recht. Schnö unta die Dusch und die Strudeln bocha....
Und ? jetzt ?
Fertig bin i - und i gib a Ruah.