REISINGER SAGT … zu NEOS für Cannabis-Legalisierung
Polarisieren, wos haßt jetzt des scho wieda? Ob se de Neos einig san oda ned is doch wurscht, denn de Rot´n san dafür - zumindest die Jungen - die Grünen sowieso, auba die Schwarz´n und Blauen strikt dagegen. A politisches Schachbrettlspiel wo eh wieder nix auße´kummt. Cannabis als Einstiegsdroge, die Diskussion is doch für´d Fisch, findst ned? Als ob´s da kane anderen, g´fährlicheren Sach´n gabat - und de san heut´ scho legal!
An Alk kannst kauf´n wannst willst. A bissl b´soffen, g´hört afoch dazua in unserer G´sellschaft. Is des ned a Freud, wenn da de Promillenz scho aus´m Fernseher entgegenlacht. Hast amoi überlegt, was alles passiert, wenn´d Leut´ da einekippen? Von Wein und Bier bis hin zum Schnaps und dann bist drin´. Ganze Leben werd´n zerstört. Ned nur dei eigenes sondern a die von de Angehörigen oder gar Wildfremd´n. A fetter Klescher mit´n Auto, a Rauferei oder G´walt daham, und wie bist dazu kumma … gesetzeskonform!
I hob no nie g´hört, dass a Haschler an übern Hauf´n gschob´n hat. Freilich, wird´s wohl a geb´n, nur ... a ei´grauchter Radler is genau so g´fährlich wia ana der nix g´numma hat!
Jetzt könnt ma sag´n, de Menge machts aus, naa, die Abhängigkeit, des is da Hund. I hab Cannabis no nie probiert und bleib bei mein Tschick! A ned guat und vielleicht sollt I ja doch einmal aufhören, auba des is a anderes Thema …
Also, mei Meinung dazu, de moch´n doch eh was wollen, und vor die wirklich wichtigen Themen rennen´s wia imma davon!
(Interview mit Herrn Reisinger am 27.10.2014 zum Thema NEOS für Cannabis-Legalisierung)
Ihr/Euer NorbS
Du möchtest selbst beitragen?
Melde dich jetzt kostenlos an, um selbst mit eigenen Inhalten beizutragen.
4 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.