REISINGER SAGT ... zur Fußfessel für prominente Straftäter
Do san ma uns doch einig, a Fuaßfessl für an Prominenten is genauso vü wert wia a Laufleine für a Hyäne - a bissl a Freiraum und gemeinsam mit de anderen is´ scho wieda am nächsten Opfer dran.
Was glaub´n denn unsere Richter … dass se Leut´ wia Kartnig & Co plötzlich um 180° drahn? Des Göd no in Freiheit guat versteckt, damit´s de Finanz nur ja ned find´t. A helle Freud für die Familie, wenn da Herr Papa in Amerika verweilt und da Schlüssel zum Tresor auf deren Nachtkastl´ liegt.
Na super, und damit der Schlauberger ned vor die Hund´ geht, dürf ma a no peck´n!
Weil wir san ja so deppert, dass ma hackeln und sche brav Steuern zahlen. Auba ned nur amoi, mit´n Gehalt oder da Pension … bei allen was´d zahlst darfst glei a zweit´s Mal de Staatskassa füll´n. Wannst´da dann no was aufs Sparbüchl schaffst, bist am Ende des Jahres glei ärmer als zuvor.
A Fuaßfessl … naa … I bindat denan a Krokodil um´an Haxn, dann haben de Viecherl glei was zum Beissen und wir san wieder a Sorg´ los.
Korruption und andere Straftaten hab´n heut so zuag´nommen, dass´d in da Fruah scho a Angst hob´n muasst, wannst die Zeitung aufschlagst!
(Interview mit Herrn Reisinger am 5.11.2014 zum Thema Fußfessel für prominente Straftäter)
Ihr/Euer Norbs
Du möchtest selbst beitragen?
Melde dich jetzt kostenlos an, um selbst mit eigenen Inhalten beizutragen.
3 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.