Unbezwingbar... zumindest heut...
Heut hats amoi a wengerl owagschneit ghabt, und mi hats gjuckt, rauszugehn und die frische koide Schneeluft zu schnuppern. Drei Grad Plus hats, a bissl niesln tuats und i hab ma nur was Klaans vurgnumman, den Gamsstoa wollt i erforschn. Angeblich hat mei Urgroßvota durt vor vielen vielen Joahren a Gams aus Holz oder Metall aufgstöllt. Wenn ER DAMALS durt obm woar, dann wirds jo wohl a Wegerl durt rauf gebm!
Wegerln gibts vüle, vor allem Wildwechsl, also bin i Richtung Felsnasn gangen, habs umrundet, gschaut...
Nix is gwurdn mitm Gamsjagern... Warum, des siehst an die Bilder bzw. an dem, was i dazugschriebm hab!
DER Fels is von mir unbezwungen bliebm, Gams hab i kaane gschossn, dafür a paar Stimmungs- und Herbstbildln ganz anderer Art.
I hab mi bewegt, war in der Natur draußn, hab die frische feuchte koide Schneeluft grochn und so gesehn mir trotzdem vüüüü Gutes tan...
6 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.