A Gedicht hoid/83
Wutgedicht, zweng de Kriag
A Schaund is des, rundum krochts und vü unschuidigi Menschn sterm af da Wöd -
wei a poar so Wauhnsinnige ned gnua kriang kinnan, van "liabn Göd",
in da Ukraine, in Israel, in Afrika und wos woas i wo nu iwaroi, hauns a si de Schädln ei und gem koa Rua -
de wos des auzettlt haum, sitzn eh im worma Bunka und schaun va da Weidn zua,
wei söwa sans z'feig, protzn und liang umanaund und kinna doans nix -
wau ma de eiganen Leit opfat in an sinnlosn Kriag, do kau ned vü Hirn do sei, des is fix,
meistns songs es geht um a strategisches Laund und es kunnt jo o wieda wos drin sei in da Erd, wos ma za vü Göd mocha kunnt a -
das ma Mutter Erde owa eh nimma vü mehr ausbeutn derf, des zan behirnen, warad ned so schwa,
es geht jo a nie uman Glaum oda sunst wos, es geht nua ums Ego va de "Stootsowahäupter-Deppn", do wü owei da oani gscheida wia da aundari sei -
owa daun soins sa si des untaranaunda ausmocha und des Voik lossn gei,
zwoa Wödkriag hauma hinta uns, i söwa hobs gottseidaunk ned miterlem miassn -
nix haum maunchi glernt draus, na, de moanan ma muaß Probleme lösn mitn gengseiti daschiassn,
mit de Milliardn des wos do aussipuivat wern und nua unschuidige Menschnlem kostn und so vü Leid hintalossn -
kunnt ma so vü hungernde Menschn ernährn, des warad gscheida, ois unnedig aussigschossn,
owa es wiad si nix eindan, "geng de Dummheit is koa Kreitl gwochsn" hoaßt so a scheina Spruch -
diese sogenannten Stootsowahäupter san hoid leida ka Seng fia a Voik und s'Laund, na, se san a Fluch!
2 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.