Peter Rosegger

Mundartgedicht zu Peter Roseggers 100. Todestag!

Am 1. Juni fand im Polylog in Wörgl vom Verein ARTirol die Präsentation der Bilder und Texte zu bekannten Persönlichkeiten der Vergangenheit statt. Kathi Kitzbichler und Heidi Gandler wählten den 100. Todestag von Peter Rosegger zum Thema und zeigten eindrucksvoll das Leben und Wirken des berühmten Schriftstellers. Das Mundartgedicht von Kathi Kitzbichler schildert den Lebenslauf des Steirers und Heidi Gandler malte das Geburtshaus Roseggers in Öl und Sepia-Farbe. Symbolisch für Peters „Waldheimat“ dekorierten die Künstlerinnen die Plakate mit frischen Fichten- und Lärchenzweigen.

Peta Rosegga, da Woidbauanbua

Im steirischn Alpl,
am Berg, hoch am Roa,
is des Peterl geborn,
gonz winzig und kloa.

Am Hof, baut aus Hoizpflöck
von da Sunn schworz vabrennt,
do is des kloa Biabal
vagnügt ummagrennt.

Borfuaß und oafoch,
ohne Sockn und Schuach,
so is dea Bua gwondascht,
so stehts in an Buach.

A ärmliche Kindheit,
a sporsome Kost,
an de Wänd wor im Winta
da Pfreim und da Frost.

Am Klumpeneggerhof
im steirischn Lond,
do wor hoit sei Hoamat
mit sechs Gschwistal mitnond.

Und ea wor da Ältest
vo oi siebn Kinda,
des Brot, des wor knopp,
de Armuat net minda.

Da Schuibsuach wor dürftig,
koa Lehra wor do,
a Aushüf is kemma,
und des hi und do.

Seine Eltan hättn woin,
dass a Pforra studiert,
drau is donn nix worn,
ea hot ´s Hondwerk probiert.

So is aus dem Biabl
a Schneidalein worn,
hot Hosn zomgflickt
vo hint und vo vorn.

Auf ´d Stör is a gonga
vo Haus zu Haus,
hot Kleida zomgnaht,
und Gwond bessat aus.

Do hot a scho monches
Gedichtl zomgstrickt
und nebnbei de zrissenen
Pfoadn zomgflickt.

Des Reimen wor eam
ois Kind scho im Bluat,
im Schreibn wors s´Peterl
hoit domois scho guat.

Da Firmgöd vom Biabl
hots Talent glei erkonnt,
ea hot den Buam gfördascht,
so is ins bekonnt.

Fürn Peta hots donn
a Stipendium gebn,
des wor a des Sprungbrett
ins weitare Lebn.

Ea is gfohrn ins Auslond
fi mehrare Johr,
noch Deitschlond, Italien,
noch Hollond sogor.

Da Peta hot gschriebn
sei Lebn long,
mit Fleiss und mit Können,
voi Schaffnsdrong.

Sei Erbe sen gonz vü
Romane und Gschichtln,
Verse und Reime,
und kurze Gedichtln.

Ea hot gor zu Lebzeit
scho Ehre erfohrn,
an da Uni in Wean
is a Ehrndokta worn!

Kathi Kitzbichler