Enser Bäcker
Seit 1935 wiad söm bocha
Voa 84 Joah hot Josef Enser de Bäckarei Weinhäupl kauft. Aus dea entstond da Enser Bäcker.
RIAD (schi). Vü hot si seit'n Kauf vo da Bäckerei do. An neichn Enser Bäcker hots scho siebn Joah gebn, do is da Josef Enser 1942 an de Front eiberufn woan. Bis 1945 hot de Bäckerei zua kopt und is ois Wehrmochtsbäckerei betriebn woan. De Frau vom Josef Enser, de Anna, is dawei mit de Kinda noch Mettmoch zu iare Ötan zogn. Nochn Kriag hom don a boa US-Soidotn im Haus von de Ensers gwohnt. De woan freindlich und hom nix kaputt gmocht. Anna Enser hot donn de Bäckerei 1947 wieda aufgsperrt, zua gleichn Zeit is da Josef wieda hoamkema. Zwoa Joah späta homs des Haus in da Friedrich-Thurner-Stroßn baut. Do drin woa donn de erste Dompfbäckarei in Riad. Des Gschäft in da Gebhartgossn hom se don 1965 nei ausbaut.
Neicha Look, neiches Motto
Noch a boa weitare Erneierungen in de Filialen hod Josef Enser jun. am 1. Juli 1997 de Geschäftsführung an Wolfgang Enser übagem. Ocht Joah späta san Sonnenkollektoan fia's Woamwossa auf's Doch kema und de Ensers san auf Erdgas umgstiegn. A Steinbockofn mit Wärmetauscha hod natiali a ned föhn deafn. 2009 hobns de Filiale in da Friedrich-Thurner-Stroßn umbaut. Seit 2014 homs a an umwödfreindlichen Fuapark. De neichasten Umbautn san heit in da Gebhartgossn zum seng: De Ensers hobn in Kafeebereich erweitad, a neiche Hei-Tek-Kaffeemaschin ogschofft und da gonze Gschäftsraum va da neichn Bäckerei steht jez untam Motto "Brot erleben – Kaffee erleben".
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.