Die kreative „5“
Die kreative „5“ (F ü n f)
Im Bezirksblattl Gmünd vom 5. Oktober, do hob i auf der erschten Seitn an Artikel entdeckt,
der hot in mir sofurt Freude und Interesse geweckt.
„Kreativ sein“, lautet des Motto und ma kaunn dabei a nu wos gwinnga –
Nau do faungt jo mei Gmiat glei au zum Singa.
Und wei i jo leidenschoftlich gern „dichten“ tua,
so klink i mi hoit glei ei`auf derer Spur.
De Zoih „5“ soi des Herzstück va dem Wettbewerb sei`
Jo i glaub dazua foit ma ollerhaund ei!
Va Geburt au verfoigt mi de „5“, des kaunn i aumtlich belegn,
Am 5. Jänner im 50-ga Joahr, haum`s meinen Ötan mei Geburtsurkunde mit der Nr. 5 üwagebm
Durt drinnen steht a zum Lesen, dass daumois der Wohnort – Aalfang Nr. 50 is gwesen.
Des Domizil hot se geändert noch a poar Joahrn –
Und aus der Aunschrift is prompt – Neulangegg Nr. 5 g`wordn.
Im Neubau vis a vis, durch Zufoi tuat`s so sei`,
haum wir heit auf unsern Haus die Nr. 25 steih`!
Meine „5“ – i hob` sie längst zur Glüxszoih auserkorn
Und i muaß sog`n sie is ma niemois zum Verhängnis wordn.
In meiner Schuizeit hot sie`s gottseidaunk geschofft,
sie hot net oamoi aus`n Zeignis aussagofft!
Beim Kindersegen hot`s amoi net ins Volle getroffen;
Olle Guaten Dinga san „3“ – des hob`i gsogt – gaunz offen.
Bei de Enkerln hingegen - do is scheinboar a Ruah,
„5“ an der Zahl, 4 Mädels – 1 Bua!
Von Herzen. Jetzt hob i eich sovü varoten,
hoffentlich geh` i mit der Gschicht jetzt net boden.
„Trotzdem“ - und des sog i s`erschte moi in mein Leb`m -
I gfreiert mi, tat ma wer an „5-er“ auf de Oawat geb`m!!!
Waltraud Lavicka
Neulangegg 25
3872 Langegg
15 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.