Da olte Schublodkostn
Solong i do ba da Keischn bin, steht da Schublodkostn do in da Labm drin, durt drin hon ols Kind i mi öfta vasteckt, hon gonz genau gwißt doß mi durt koana entdeckt, ba Regnwetta hon i noch Herznslust gramt, va lauta Gneat oft die Jausn vasamt, getricknte Bleamlan, Hoachzeitbischn vor olln, a Schochtl mit Knöpf hot ma a recht guat gfolln, urolte Büldlan, do wor vül zan schaun, ane Pappl aus Hulz, hon i Häuslan kinnt baun, ba die oltn Kalenda, do bin i vasessn, hon in Hunga und in Regn glei...
I bin so valiabt!!!
Heit hon i zwoa blitzblaue Äuglan gsehgn, i konn enk varotn, do wor´s um mi gschehgn, a Hündle, die Josy, so woach as wia Wulln, hot mir ban erstn Ongschau mei Herzle gstuhln, auf Deitsch gsogt, i bin frisch valiabt, wia dos oan im Olta net leicht so passiert, i konn eich lei sogn, dos Geifle is siaß, und wer küsst oan sunst amol so fleißig die Fiaß!!
So Kloanigkeitn kinnan vül Freid bereitn!!!
Ban Mölltolahof, do is as gwesn, hon ondächtig de Gedichtlan glesn, und hon bahoamla fiar mi gedocht, do hot sich oana dabei wos gedocht, hot Stoana mit Hulz und Bleamlan kombiniert, und jeda Gost wor davon fasziniert, a jeda staht long dabei , tuat betrochtn, do lernt ma wieda dos Kloane beochtn, do wirkt dos Bleamle und´s Gedicht, so wos vergißt ma so schnöll nicht, drum Mensch, ocht a auf Kloanigkeitn, de kinnant groaße Freid bereitn!
Blumenfotos mal etwas anders
Blumen Wann: 09.08.2010 09:00:00 Wo: Blumen, 9843 Großkirchheim auf Karte anzeigen
Schau ibarn Gortnzaun!
Wenn oana glabt, a Hehn is bled, der kennt jo meine Heahna net, fiar moche Menschn, im Vatraun, endet die Wölt ban Gortnzaun, hiatz schauts amol mei Hendl on, doß is ba weitn bessa dron, es hot die Neigier schier gepochtet, wal es olls durch den Zaun betrochtet, offn is as grod fiar olls, deswegn mocht´s an longan Hols, und unterdessn hot´s entdeckt, doß draußn´s Gros vül bessa schmeckt!