Omama Opapa wir sind alle - da!

Bei vielen Hochzeiten durfte ich Lieder vortragen. Dabei nimmt man ein fast jedermann bekanntes Lied und verändert den Text passend für das Brautpaar. Die Gäste singen alle mit und lachen herzhaft über den variierten Text. Manchmal ringt er ihnen zumindest ein mildes Schmunzeln ab.

Heute waren wir bei meinen Eltern zur Feier ihres Hochzeitstages eingeladen. Ich wachte frühmorgens auf und dachte, das wäre eine gute Gelegenheit auch für die beiden ein Lied zu adaptieren. Beim Beten kam mir sofort ein Beatleslied in den Sinn. Wir drei Söhne und unsere Familien sangen beigeistert des Liadl und Mama hatte Tränen in den Augen und flüsterte:"Haben wir a große Familie!" . Papa kanns nicht so zeigen und meinte verlegen: "Das hat der Mama sehr gut getan!"

Omama, Opapa (nach der Meldodie von Obladi, Oblada zum 55. Hochzeitstag von Heini und Gerti unseren lieben Eltern am 4, April 2014 gesungen im Schützenhof in Bischofshofen am 12.4.2014)
1. Da Heini und de Gerti san a Liebespaar,
des in B’hofen jeda Mensch seit longem kennt
Bsondas von da Gerti wissens alle, dass beim Merkur war
Und dass da Heini de gonze Zeit mit’n Kappe umagrennt.
Refrain:
Omama, Opapa mia san alle – da!
Und hobn euch gern ois wia net gscheit
Omama, Opapa mia san alle - da!
Und brauchn eich no longe Zeit.
2. De Gerti is seit 20 Joa nun a Rentnerin,
und trotzdem is sehr beschäftigt mit an Hoafn Zeig,
Sie singt wia a Gleckal und legt am Freitag donn a Tanzl hin,
dassd Fetzn fliagn so umadum ois wia net gscheit.
Refrain:
Omama, Opapa mia san alle – da!…….
3. Da Heini genießt sei Pension drunt beim Kegelscheibn
A beim Eistockschiaßn is er a Potznspezialist
Do gwinnt ea Woch fia Wochn und loßts a nit bleibn,
wenn er grad voa a poa Tog am Knie operiert geworden ist.
Refrain:
Omama, Opapa mia san alle – da!…….
4. Unsre Mama kocht viel bessa als de Jamie Oliver
A deshoib kemman olle Enkel gern zu ihr
A de Josi und da Charly liebn sie so sehr,
und was de Hund net megn kriagt da Papa donn in da Friah.
Refrain:
Omama, Opapa mia san alle – da!…….
5. Unsa Papa kennt se perfekt aus in da Politik
Drum liest er de Zeitung zweimoi jedn Tog
Er diskutiert und betrochtet alles voll Kritik
Und hot a Antwort auf jeds Problem und jede Frog.
Refrain:
Omama, Opapa mia san alle – da!…….
6. Do des schenste von unserem Jubiläumspaar
Is dass uns spian lossn, sie hobn jedn von uns gern
Es gib nix foisches ois is echt und es is jedem kloa,
dass ihr a Schotz sads wia von an gonz an ondan Stern.
Refrain:
Omama, Opapa mia san alle – da!…….
7. Darum wünsch wir euch Gsundheit und a longes Lebn
Dass weiter zfriedn sads und den Lebensabend genießt
Mia bittn, dass weita für uns bets und eich sois no longe gebn
dassmit uns lochts und rearts so de Sorgn vom Leben vagißt.
Refrain:
Omama, Opapa mia san alle – da!
Und hobn euch gern ois wia net gscheit
Omama, Opapa mia san alle - da!
Und brauchn eich no longe Zeit.