Tiroler Mundartkreis

Obfrau Lilo Galley wurde zu einem gemütlichen Lesenachmittag mit Kaffee und Kuchen von der Stüberl Musik eingeladen! Brigitte D`Costa, Enkeltochter der bekannten Mundartautorin Anni Kraus war mit ihrer Freundin Elisabeth Zweikner ebenfalls dabei.
Herzerfrischende Gedichte, gelesen von der Interpretin Brigitte, Gedichte von Lilo und dazupassende Volksmusik der Stüberl Musik erweckte die Idee, eine Gedenklesung für die verstorbene Anni Kraus am Weg, der nach ihr benannt wurde, im Frühsommer zu gestalten! Der Termin wird noch bekannt gegeben!

Wenn die Berg streiten

Hobts ös no nia unsere Berg gheart streitn?
Dö hadern schon seit urdenkliche Zeitn.
Grod in der Früah muß man die Loser aufsperrn,
do kriagt man nette Sachelen z`hearn.

Der Patrscherkofl isch der zwiderste Gsell,
a olter Stänkerer, meiner Seel!
Hot er nit heut an Schneeballn gschmissn
und der Frau Hitt ihrn Neblschleier derrissn.
Dabei lacht er no voll Hinterlischt
Und sogt: „Weibele, i mecht grod frogn,
wia d` heut aufglegt bischt.“
Die orme Haut, zerscht gonz derschrockn,
beutlt `n Schnee von ihre Lockn.
„Mein Herr, Sie vergessn wohl,
ich bin eine Dame,
Frau Hitt, bitte, ist mein Name.“
„Geah, du uralte Schachtl,
mit dein fuaßlahmen Gaul,
bischt jo schun long zun Schneuzn z` faul.“
Und Sie haben eine Glatze, Herr Patscherkofl,
und sind ein Charakter, schon mehr als schofl,
sonst würden Sie nicht gestatten,
dass dies Menschengezücht
tagtäglich auf Ihrem Kopf herumkriecht.
Ich steh allein hier, ganz nahe dem Himmel,
und spucke auf dieses Menschengewimmel.“
„Hoscht recht, du arrogante Nockn,
bleib alloan auf dein Spleen obn hockn,
die Innschbrugger hom a Gaudi
mit meiner Glotzn,
und i laß mir sie gern a bißl kratzn.“
„Geah moch di decht nit gor a so rar,“
schreit jetzt voller Wuat das Hafelekar.
„I bin jo schließlich a no auf der Welt,
und mit meiner Bahn isch `s besser bstellt.
Frog amol die ormen Schwazer,
wegn dir sein sie hin, du olter Potzer.“
Jetzt brüllt der Glungezer: „Gebts amol Ruah,
i bin nervös und will no schlofen in der Fruah.“
Bis jetzt hot die Nockspitz still zuaglost.
Auf oamol sogt sie gonz erbost:
„Mei klassische Nosn
hon i gestern von an Künstler omaln lossn.“
Auf dös hin muaß der Bettelwurf derartig lachn,
dass die gonzn Inntoler aufwachn.
Und boshaft spöttlt die Martinswand:
Die klassische Nosn passt holt eini
ins gscherte Tiroler Lond.“

„Und ich befehle, jetzt ist Schluß,
ich seh der Sonne ersten Strahlengruß,
da habt ihr zu schweigen
und euch als Majestät zu zeigen.“
Königin Serles hot so gsprochn,
drauf sein die Dickköpf zsammenkrochn,
und still, gonz still wird `s auf die Gipfl,
verschlafn recken sich die Tannenwipfl,
die Sunn streicht drüber in goldener Pracht.

Jetzt hom die Innschbrugger die Augn aufgmocht.
Sein gonz damisch von der Herrlichkeit
und vergessn auf Politik und Streit.
Und i bet im stilln frisch und fromm:
Gott Lob und Dank, dass mir die Serles hom!