Willkommen im Tiroler Mundartkreis!

Ausservillgraten: Unser neues Mitglied Johanna Schaller aus Ausservillgraten, das wir herzlich willkommen heißen, hat bereits ein Gedicht in der neuen Anthologie "Drunter und drüber" erschienen im Edition Verlag Tirol präsentiert:

Besuch im Hennstall
Die Geschichte hot sich leido zuigetrogn,
ba ins in Villgraten vor etlan Johrn.

Is Biabl hot Henn und an Huhne bikemm,
und isch af de Viecho recht schtolz giwen.

Die Leit san schon gor awen neidisch af den scheane Huhne,
der woll oftamol schpinnt bola voll isch do Mune.

Ollerhond Kernlan bikimmt der zi fressn.
geschton ischa sogor af a Henne gisessn.

Is Biabl tut sich gor awen fürchtn,
dass der Fuchs kennat an Schode unrichtn.

Tschnochts missn die Weiberlat volässlich in Schtoll zui tian,
dass jo net des schlaue Vieche hot gonz leichts tian.

Und wies holt wo isch, ama vogessn,
und des isch schon ziviel giwesn.

Des Vieche hot frei la schon Lunte girochn,
und isch die nägschte Nocht in Hennschtoll iningischloffn.

Des werd für den Fuchs a herrlicho Schmaus,
weil die Federviecho wissen nimma mehr wo in und aus.

A fürchterlicho Kompf findet nochan schtott,
zi Unterorter in do Hofeschtott.

In ondon Tog tut mans erscht wohr,
do Huhne und a Henne san nimma do.

Und nou drei weitre Henn hon is Leben gimisst lossn,
is Biabl konn des Unglück et fossn.

Die Vowondtschoft in Nordtirol dause,
hot a schon gehert va der Maller im Hause.

Man konns foscht et gilabn, noch etlan Togn
kimmt a klans Briafl mit an Sonderposchtbotn.

An ötlana töschtlana Wort san zi lesn,
und a extrana Finanzspritze isch a no drinn giwesn.

Dass is Biabl die Hennwirtschoft weiterfihrt, do gits Biweise
es hot va den Gelte ungeschofft an Huhne und Henn schworze, braune und weiße.