Maria Liachtmess von Hilda Ausserlechner
MARIA LIACHTMESS
Mit Maria Liachtmess
endet die Weihnachtszeit,
juchui, do Langis kimmt,
isch gor nimma weit.
Die Kripplan wearn o´gibaut,
vowohrt in am sichern Ort,
schon nimmt die Sunne zui on Kroft,
treibt schian staad ´n Winto fort.
Es wochst do Tog, wia fein,
zi Liachtmess um a gonza Stund,
do Fuchs kroicht blinzlnd ausa
aus sei´m wintolichn Grund.
Früha wors zi Liachtmess luschtig,
für Knecht und Diarn a Schlanggltog,
es hot ´n Dianstgeba giwechslt,
wer ban oltn nimma bleibm mog.
Kerzn trogt man in die Kirche
zu Segn und feschtlicher Weih´
und sehnt dobei voll Freude
´s neu erwochte Liacht herbei.
Die Gottesmuito weard gebetn,
gelobt und stilla voehrt,
dass sie überoll im Lond
Streit und Unfriedn vowehrt.
Du möchtest selbst beitragen?
Melde dich jetzt kostenlos an, um selbst mit eigenen Inhalten beizutragen.
4 Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.